“ცეროდენა რაინდები”, ფილმის რეჟისორები არიან ნელი ნეროვა და გენო წულაია… ფილმი დოდო ჩოგოვაძის მონაწილეობით საკავშირო კინოეკრანზე გამოსვლისას 5,4 მილიონმა მაყურებელმა ნახა… დოდო ჩოგოვაძე 1960-იანი წლების საბჭოთა კინოფანტასტიკის ქართველი მშვენებაა. ის პირველად 1963 წელს, “ცეროდენა რაინდებში” გამოჩნდა, მოგვიანებით კი, მსახიობის სილამაზემ და არტისტულობამ რუსი რეჟისორებიც მოხიბლა.
დოდო ჩოგოვაძის კარიერის ძირითადი აღმავლობის წლები კინოში 1963-1981 წლებში ჰქონდა, ფილმების ძირითადი ჟანრი კი ომის თემატიკა, ფენთეზი და მელოდრამაა… “ალადინის ჯადოსნური სამყარო “, – ასე ჰქვია რეჟისორ ბორის რიცარევის სახელგანთქმულ ნამუშევარს, რომელშიც დოდო ჩოგოვაძემ ერთ-ერთი მთავარი, “პრინცესა ბუდურის” როლი ითამაშა. დოდო ჩოგოვაძე თავის დღევანდელ მოღვაწეობასა და შთამბეჭდავ წარსულზე თავად გვესაუბრება…
– ქალბატონო დოდო, დღევანდელი გადასახედიდან როგორ გახსენდებათ თქვენი ბავშვობა?
– მახსენდება ნამდვილი თბილისი, სოლოლაკი… კოლმეურნეობის მოედანზე დავდიოდით, იქ ცნობილი ბაზარი იყო. ჩემი პატარა კალათა მქონდა, ყველაფერს იქ ვყიდულობდით… ასე სიარულით მომიხდა ხუთი წლის ასაკში ფილმში “მანანა“ გადაღება. ძალიან კარგად მახსენდება გადაღებები… არაჩვეულებრივი მედეა ჩახავა, რომელიც იეზიდი მეეზოვეს როლს ბრწყინვალედ ასრულებდა. ყველა მსახიობი ძალიან კარგად მახსოვს, ვინც ამ ფილმში თამაშობდა.
– ლეგენდარული მსახიობები თამაშობდნენ, მათთან ხშირად გიწევდათ შეხვედრა?
– არა, მე ამ ლეგენდებთან შეხვედრა ნაკლებად მომიხდა, ასევე მანანას როლის შემსრულებელთან… პარტიზანის როლი მქონდა. ძალიან სასაცილო იყო, რადგან ეს პირველი როლი იყო, რომელზეც მთელი საქართველო ხარხარებდა. ბავშვია, რომელიც პირს აღებს, მას ბანტიც უკეთია და ულვაშიც. ბანტი იმიტომ, რომ ქუდი ჩამომივარდა და მერე ისე დავიხურე, ბანტი ისევ მიჩანდა. რეჟისორს იმდენად მოეწონა, ასე დატოვა და ბანტიანი, ქუდიანი, ულვაშიანი და თოფით ვჩანვარ…
– როგორც ახსენეთ, ამ ფილმში სრულიად შემთხვევით მოხვდით…
– დიახ, ქუჩაში მივდიოდით და იმ ეზოში შევიხედეთ, სადაც ამ ფილმს იღებდნენ. რეჟისორს რევერანსი გავუკეთე და მან დედაჩემს თხოვა, მოიყვანეთ, გადავიღებო… მართლაც მთელი ქვეყანა ჩემს გმირზე ხალისობდა, ოღონდ არავინ იცოდა, მე რომ ვიყავი. მერე როცა ჩემს მეგობრებს ვუთხარი, ყველა მათგანმა ფილმი მეორედ ნახა…
– შემდეგ თქვენ საბჭოთა კავშირის მასშტაბით მოიპოვეთ დიდი აღიარება… როგორ დაიწყო ეს ყველაფერი?
– ეს ყველაფერი ქორეოგრაფიული სასწავლებლიდან დაიწყო… საბჭოთა კავშირში ბალერინების ფილმში გადაღება ძალიან მოდაში იყო… თბილისში მოსკოვიდან ჯგუფი ჩამოვიდა და ამარჩიეს… მანამდე, ათი წლის ასაკში იყო – “ცეროდენა რაინდები”, რომელშიც ფილმის, “მანანას” შემდეგ გადამიღეს… იქაც გადაღება შემთხვევით მოხდა. მე, პატარა გოგო და რეჟისორი – ნელი ნეროვა პოლიკლინიკაში შევხვდით ერთმანეთს… ბავშვები ყოველთვის ძალიან მიყვარდა, იქ ერთ ბავშვს გავეთამაშე, ამ დროს რეჟისორს ძალიან მოვეწონე და ფილმზე ამიყვანა… ფილმის გადაღებები შესანიშნავად მახსოვს. იქ გავიცანი ბელა მირიანაშვილი…
სხვა ახალი ამბები:
https://split.spnews.io/ka/archives/183030
40 000 დოლარიანი ოპერაციები და ორი გარდაცვლილი- ნინო ნადირაძე-კუზანოვას და კლინიკა ლანცეტის სკანდალი
“ღრმა მწუხარებით ვიუწყებით რომ..” – ახლახანს ცნობილი ქართველი მომღერალი გარდაიცვალა
ჯარიმა 1000 და 3000 ლარი იქნება – საყურადღებო ინფორმაცია მძღოლებისთვის
🎥 “ნამდვილი თეთრი გედი” – ლიზა ჩიჩუას ახალმა ვიდეომ საზოგადოება აღაფრთოვანა
