დღეს პირველად გამოჩნდა კამერების წინ ის მესამე პირი – თამაზ პაპიტაშვილი, რომელიც ტრაგედიის დღეს თამაზ გინტურთან და ლევან დოთიაშვილთან ერთად კირბალში, ეკლესიასთან იმყოფებოდა.
ის სამართალდამცავებმა რამდენჯერმე გამოკითხეს. მან მედიასთან თქვა, რომ 6 ნოემბერს 5 ადგილობრივთან ერთად იმყოფებოდა სოფლის სასაფლაოზე წინაპრებისთვის პატივის მისაგებად, მან, დოთიაშვილმა და გინტურმა გადაწყვიტეს ლომისის ეკლესიაში მისულიყვნენ და სანთლები დაენთოთ. კაცი ამბობს, რომ მას შემდეგ, რაც კარი აჭედილი დახვდათ, გადაწყვიტა ადგილი დაეტოვებინა, თუმცა შეესწრო როგორ გახსნა გინტურმა ეკლესიის კარი.
ის ყვება, რომ სოფელში ჩამოსვლის შემდეგ 3 გასროლის ხმა გაიგო.
“მოდი მოლა, რისი გეშინიაო, და მე ვუთხარი, თედო, არ გრცხვენია, სალოცავი არ დაამტვრიოთთქო. ერთი ეს ვუთხარი, მოვტრიალდი და წამოვედი. აღარაფერი არ დამინახავს იმის მერე, არც მიმიხედია უკან, რას მივიხედავდი, წამოვედი სოფელში ჩამოვედი. რუსს რომ დავენახე იქ გამაჩერებდა?! ან არ მომკლავდა ან არ წამიყვანდა?! არავინ დამინახავს.
გასროლის ხმა რომ ჩამოვედი, სოფელში გავიგონე, მერე სოფელი ავიდა, ვინ ავიდა ვინ არა, არ ვიცი, სამნი ვიყავით, ორი იქ დარჩა, მე წამოვედი”, – ყვება პაპიტაშვილი.
ოჯახმა გუშინ დაასახელა ცხინვალში დისლოცირებული რუსი ჯარისკაცების ვინაობა, რომლებმაც, სავარაუდოდ ეკლესიაში მისული თამაზ გინტური მოკლეს.
შინაგან საქმეთა სამინისტრომ რუსეთის წარმომადგენლის მიერ ცეცხლსასროლი იარაღიდან გასროლის შედეგად საქართველოს მოქალაქის მკვლელობის და ერთი პირის გატაცების ფაქტებთან დაკავშირებით გამოძიება სისხლის სამართლის კოდექსის 109-ე და 143-ე მუხლებით დაიწყო, რაც განზრახ მკვლელობას და თავისუფლების უკანონო აღკვეთას გულისხმობს.
სხვა ახალი ამბები:
ია ფარულავას “კუპალნიკში” გადაღებულმა ფოტომ ყველა აღაფრთოვანა – მსახიობი საოცრად გამოიყურება
“ქუჩაში მთელი ხალხი ხათუნას უყურებდა…” – სად გაქრა გოგონა ფილმიდან “მხიარული რომანი”
ვინ არიან ყველაზე მდიდარი ქართველი ქალები, რომლებიც დიდ კაპიტალს ფლობენ (ვიდეო)
”სინამდვილეში, ჩვენ არ ვკვდებით” – მსოფლიო შოკირებულია ახალი სამეცნიერო თეორიით
500 და 1000 ლარი ოჯახებს – ნახეთ ვინ მიიღებს ფულად დახმარებას
“… ასეთ სიხარულს და აჟიოტაჟს რატომ იწვევს?”- რას წერს ნიკა გვარამია ხვიჩა კვარაცხელიაზე
