სომხეთის პოლიციის კონტრდაზვერვასთან კოორდინირებულად მუშაობის შედეგად გამოვლინდა მოქმედი 270-მდე უკრაინის სამხედრო დაზვერვისა და უსაფრთხოების სამსახურის აგენტი – დავით ქართველიშვილი

September 22, 07:17
0
2342

აიყვანეს 150-მდე ადგილობრივი სომეხი მოქალაქე, რომლებიც იზიარებდნენ ანტირუსულ პოზიციას და რომელთა მიზნები და ამოცანებია მიაღწიონ დესტაბილიზაციას, – ამის შესახებ სოციალურ ქსელში “ხალხის ძალის” წევრი დავით ქართველიშვილი წერს.

მისი თქმით, სომხეთში ასევე რამდენიმე ასეული უკრაინის მოქალაქის დაკავება. „ტელეგრამ-არხები იტყობინებიან, რომ 21 სექტემბერს ერევანში მოხდა რამდენიმე ასეული უკრაინის მოქალაქის დაკავება.

ქვეყნის პოლიცია კონტრდაზვერვასთან კოორდინირებულად მუშაობს, გამოვლინდა ქვეყანაში ლტოლვილების საფარქვეშ შემოგზავნილი და მოქმედი 270-მდე უკრაინის სამხედრო დაზვერვისა და უსაფრთხოების სამსახურის აგენტი. გარდა ამისა, აიყვანეს 150-მდე ადგილობრივი სომეხი მოქალაქე, რომლებიც იზიარებდნენ ანტირუსულ პოზიციას და რომელთა მიზნები და ამოცანებია მიაღწიონ დესტაბილიზაციას ერევანში საპროტესტო აქციების დროს და „მაიდანის” სცენარის მსგავსად, მოახდინონ ძალოვნებისა და მშვიდობიანი მოქალაქეების მკვლელობა.

ГУР-ისა და СБУ-ს მიერ შემოგზავნილ კონტინგენტს წარმოადგენენ 25-დან 40 წლამდე ასაკის ქალები და მამაკაცები, პროფესიონალი აგენტები. მამაკაცების ძირითადი ფუნქციაა მოახდინონ ბრბოს სამოქმედო კოორდინაცია ვითარების გამძაფრების მიზნით. ქალები ახდენენ იარაღისა და თვითნაკეთი ფეთქებადი მოწყობილობების ე.წ. “ჩადებებს” (“закладки”), რომლებიც წინასწარ შეისყიდეს ადგილობრივი მოსახლეობისაგან. ერევნის ორგანიზებული დანაშაულებრივი დაჯგუფებები ნაწილობრივ მხარს უჭერენ უკრაინულ აგენტურას. უახლოეს დღეებში (თუ არა საათებში) მოსალოდნელია პროვოკაციები რუსეთის საელჩოსთან, ასევე ზვართნოცის აეროპორტში. აღნიშნული ინფორმაციის წყაროების მონაცემებით, ამ დროისთვის ადგილობრივი ხელისუფლება აკონტროლებს სიტუაციას. ჩვენთვის ყოველივე ეს მნიშვნელოვანი და საყურადღებოა სუს-ის ანალოგიური შინაარსის განცხადების ფონზე. გვმართებს ყურადღება და სამართალდამცავი ორგანოების სრული მობილიზაცია.

ჩვენ გვახსოვს სააკაშვილის კონტეინერით მოგზაურობის პერიოდში, 2021 წლის 28 სექტემბერს კიევი-თბილისის ავიარეისით ჩამოფრენილი ოცზე მეტი უკრაინელი ბოევიკის სამშობლოში უკან დაბრუნების ფაქტი. არაა გამორიცხული უკრაინული აგენტურის ნაწილი საქართველოში სომხეთიდან შემოვიდეს. ასევე არაა გამორიცხული, თავის დროზე შემოსული აღნიშნული აგენტურა, უკვე იმყოფებოდეს საქართველოში.

ქვეყანაში მიმდინარე პოლიტიკური პროცესები, სააკაშვილის მოწოდებები მეტყველებენ იმაზე, რომ გამოუცხადებელი ომის უკანასკნელი ბრძოლის ხაზი, გახსნილად აქვთ გამოცხადებული. იმედია – ჩვენც მზად ვართ ამისთვის,” – წერს ქართველიშვილი.

ამავე თემაზე:

„უკრაინის საზღვართან, პოლონეთის სოფლებში არის ბანაკები, სადაც საქართველოდან ახალგაზრდები ჩაჰყავთ და ატრენინგებენ“

“არ უნდა ირაკლი ღარიბაშვილს საქართველოსთვის უკრაინის ბედი…”- რუსი ჟურნალისტი “ქართული მაიდანის” მზადებაზე ყვება (ვიდეო)

სხვა ახალი ამბები:

„ავტომობილს სისხლის კვალი და 19 ნატყვიარი აქვს“ – თურქეთში „კანონიერი ქურდების“ ძმისშვილი „გამა რუსტავსკი“ დაჭრეს – ვიდეო

 

„ექიმი მეუბნება, შენ გაქვს მეოთხე სტადიის სიმსივნეო…” – სოსო ჯაჭვლიანი შემდეგ ვერაგ დაავადებას კიდევ ერთი ცნობილი მსახიობი ებრძვის!

 

ტექნიკური უნივერსიტეტის პროფესორი გაიტაცეს და გარდაბნის ტყეში აწამეს – ლექტორი გარდაიცვალა

Cesko