სამხრეთ აფრიკის პრეზიდენტმა, სირილ რამაფოსამ კიევში ვიზიტის დროს წარადგინა აფრიკის ქვეყნების მიერ შემუშავებული სამშვიდობო ინიციატივა, რომლის მიზანიც უკრაინაში ომის დასრულებაა.
უკრაინული მედიის ცნობით, გეგმა 10 პუნქტისგან შედგება:
- ომი უნდა დასრულდეს მოლაპარაკებების გზით, ხოლო კონფლიქტი დიპლომატიური გზით უნდა დარეგულირდეს;
- მოლაპარაკებები რაც შეიძლება სწრაფად უნდა დაიწყოს;
- აუცილებელია დეესკალაცია ორივე მხრიდან;
- ქვეყნებისა და ხალხების სუვერენიტეტი უნდა იყოს უზრუნველყოფილი გაეროს წესდების თანახმად;
- აუცილებელია უსაფრთხოების გარანტიები ყველა ქვეყნისთვის;
- აუცილებელია იყოს ორივე ქვეყნის მარცვლეულისა და სასუქების მიწოდების უზრუნველყოფა;
- აუცილებელია ომისგან დაზარალებული პირების ჰუმანიტარული დახმარების უზრუნველყოფა;
- უნდა დარეგულირდეს ტყვეების გაცვლისა და რუსეთის კონტროლირებადი ტერიტორიებიდან უკრაინელი ბავშვების დაბრუნების საკითხები;
- აუცილებელია უკრაინის ომის შემდგომი აღდგენის უზრუნველყოფა;
- კონფლიქტის მხარეებმა აფრიკის ქვეყნებთან უფრო მჭიდრო თანამშრომლობა უნდა დაამყარონ.
აფრიკის 7 ქვეყნის – ზამბიის, სენეგალის, ეგვიპტეს, უგანდის, კონგოს, კომორის კუნძულებისა და სამხრეთ აფრიკის წარმომადგენლებისგან შემდგარი დელეგაცია კიევიდან სანკტ-პეტერბურგში გაემგზავრა, სადაც რუსეთის პრეზიდენტ ვლადიმირ პუტინს შეხვდება.
