რუსეთის სავაჭრო-სამრეწველო პალატის პრეზიდენტი სერგეი კატირინი საქართველოსთნ ურთიერთობის “დათბობის” შემდეგ ორი ქვეყნის მწარმოებლებს შორის თანამშრომლობას აანონსებს.
მისი თქმით, წელს უკვე შეიქმნა რუსულ-ქართული საქმიანი საბჭო.
“ვცდილობთ, გავარკვიოთ, რა მიმართულებით შევძლებთ ერთობლივ განვითარებას. საქართველოს კონკრეტული წრეების მხრიდან დაინტერესება უკვე არსებობს. ვერ ვიტყვი, რომ ეს მთელი ქვეყნის ინტერესია, თუმცა ბიზნესმენებს შორის ბევრია ისეთი, ვისაც სურს, შეუძლია და ჩვენი მხრიდან მხარდაჭერას ელის.
ამ დღეებში საქართველოდან სპირტიანი სასმელების შემოტანის საკითხი გადაწყდა. ჩვენს პარტნიორებს ასევე სურთ, ღვინის შემოტანის საკითხი გაარკვიონ.
საჭიროა, ასევე „აბრეშუმის გზის“ მარშრუტის ფარგლებში სარკინიგზო ტრანზიტის ორგანიზება: ჩინეთი, იანის პორტი ბანდერ-აბბასი, ასტარა (ირანი), ასტარა (აზერბაიჯანი), მარნეული, აფხაზეთის ტერიტორიის გავლით რუსეთში. ეს სხვა ყველაფერთან ერთად მოგვცემს შესაძლებლობას, გავაფორმოთ კონტრაქტები, რომლითაც გაზს და ნავთობს სტაბილურ და ადეკვატურ ფასად გავყიდით” – განაცხადა სერგეი კატირინმა.
წყარო: metronome.ge
