“რადიაციის გაჟონვამდე 48 საათი რჩება” – კულება ჩერნობილის საფრთხეებთან დაკავშირებით სპეციალურ მიმართვას ავრცელებს

March 9, 17:17
0
1015

ჩერნობილის ატომურ ელექტროსადგურს საწვავი ელექტროენერგია არ მიეწოდება და თუ ეს პროცესი 48 საათში არ აღდება სამყარო კატასტროფის წინაშე აღმოჩნდება, – მედიის ცნობით, აღნიშნულის შესახებ უკრაინის საგარეო საქმეთა მინისტრი, დმიტრო კულება “ტვიტერში” წერს.

კულებამ მოუწოდა საერთაშორისო საზოგადოებას სასწრაფოდ მოსთხოვოს რუსეთს ცეცხლის შეწყვეტა და სარემონტო დანაყოფების დაშვება ჩერნობილის ატომური ელექტროსადგურის ტერიტორიაზე.

“სათადარიგო დიზელის გენერატორები ჩერნობილის ატომურ ელექტროსადგურს და მის ობიექტებს 48 საათის განმავლობაში კვებავს. შემდეგ გაითიშება დახარჯული ბირთვული საწვავის საწყობის გაგრილების სისტემა, რაც რადიაციის გაჟონვის საფრთხეს მაქსიმალურად გაზრდის. რუსეთის ბარბაროსული ომი საფრთხეს უქმნის მთელ ევროპას. პუტინმა ეს სასწრაფოდ უნდა შეწყვიტოს”, – აცხადებს კულება.

შეგახსენებთ, რომ რუსი დამპყრობლების მტრული ქმედებების შედეგად, ჩერნობილის ატომური ელექტროსადგური ელექტროენერგიის გარეშეა დარჩენილი.

 

 

 

Cesko