დიდი ტრაგედია დატრიალდა თბილისში, გლდანში – ცოლ-ქმარი და მათი სამი შვილი გარდაცვლილები ნახეს სახლში. გავრცელებული ინფორმაციით, გარდაცვალების მიზეზი აირის ნამწვით ინტოქსიკაცია გახდა. როგორც ამბობენ, ოჯახი ჰაერღუმელით თბებოდა.
ამ ტრაგედიას ემსხვერპლნენ 32 ირაკლი შანიძე, 32 წლის რუსუდან ზაალიშვილი და და მათი შვილები – 6 წლის მარიამი, 5 წლის დარეჯანი და 12 წლის დავითი.
ამბები.ჯი-ის ოჯახის ახლობელმა უთხრა, რომ შემთხვევა დაახლოებით სამი დღის წინ მოხდა და ცხედრები კი დღეს ნახეს.
-რუსკა ძალიან საყვარელი გოგო იყო, ბევრი ტანჯვა აქვს გამოვლილი… ის და მისი ოჯახი ქირით ცხოვრობდნენ და სოციალური დახმარებით ირჩენდნენ თავს. მეტს ვერაფერს გეტყვით, შოკირებული ვარ, ისე მატკინეს გული…. – ამბობს ამბები.ჯი-სთან ოჯახის ახლობელი.
