“სასამართლო პროცესი, სავარაუდოდ, ხვალ გაიმართება” –  რას ითვალისწინებს მუხლი, რომლითაც ბექა ვარდოსანიძე არის დაკავებული

January 1, 14:40
0
285

ზვიად ტომარაძე სოციალურ ქსელში ბექა ვარდოსანიძის დაკავებას ეხმაურება:

ბექა ვარდოსანიძის დაკავებასთან დაკავშირებით!
დღეს ბექა ვარდოსანიძე დაბარებული იყო კოსტავას ქუჩაზე მდებარე პოლიციის განყოფილებაში, საზოგადოებრივი მაუწყებლის ჟურნალისტის მიერ პოლიციაში შეტანილ საჩივარზე. საჩივარი ეხებოდა ერთი კვირის წინ, 24 დეკემბერს მარჯანიშვილზე (5 ივლისს დაკავებულების გათავისუფლებაზე) ჩატარებულ აქციაზე, ბექა ვარდოსანიძესა და ჟურნალისტს შორის შემდგარ საუბარს, რომელი საუბარიც ჟურნალისტმა უსაფუძვლოდ ჟურნალისტური საქმიანობის ხელისშეშლად შეაფასა…
დღეს პოლიციაში ბექა მივიდა ადვოკატთან თემურ ლომიძესთან და ჩემთან ერთად, სადაც ბექა დააკავეს ადმინისტრაციულ სამართალდარღვევათა კოდექსის 173-ე მუხლით (სამართალდამცავის სიტყვიერი შეურაცხყოფა).
დაკავების შემდეგ შევიტყვეთ, რომ გუშინ გამომძიებელ ქალბატონს პოლიციაში დასაბარებლად ბექასთვის დაურეკავს, რაზეც ბექას მიუყენებია სიტყვიერი შეურაცხყოფა (ეს შევიტყვეთ პოლიციელებისგან, ამაზე კომენტარს ბექა გააკეთებს, როცა გათავისუფლდება).
ამჟამად ბექა გადაყვანილია წინასწარი დაკავების იზოლატორში ავჭალაში. სავარაუდოდ, ხვალ გაიმართება სასამართლო პროცესი, მისი ადვოკატი თემურ ლომიძე დროს გვეტყვის და შეგატყობინებთ.
ადმინისტრაციულ სამართალდარღვევათა კოდექსი ითვალისწინებს დაჯარიმებას 2000 ლარიდან 3000 ლარამდე ოდენობით ან ადმინისტრაციულ პატიმრობას 15 დღემდე ვადით.
ეს ის მუხლია, რომელიც მიმდინარე წლის 29 აპრილს გაამკაცრეს და ვითომპრეზიდენტ ზურაბიშვილს ვეტოს დადებას მოვუწოდებდით..

როგორც მაცნობეს ბექას სასამართლო გაიმართება ხვალ. კიდევ ვარკვევთ დეტალებს და გაცნობებთ.

Cesko