“საყოველთაო ჯანდაცვის პროგრამის ფარგლებში, ყველა მოქალაქისთვის სრულად ფინანსდება” – ჯანდაცვის სამინისტროს განცხადება

ჯანდაცვის სამინისტროს ცნობით, საყოველთაო ჯანდაცვის პროგრამის ფარგლებში, მშობიარობა და საკეისრო კვეთა, ყველა მოქალაქისთვის სრულად ფინანსდება.

უწყება ამბობს, რომ დაფინანსება მოიცავს არჩევით ექიმის აყვანისა და გაუტკივარების საფასურს. ასევე, მედიკამენტების, კვებისა და პირდაპირ და არაპირდაპირ ხარჯს, შესაბამისად, პაციენტს თანხის გადახდა არ მოუწევს.

“რაც შეეხება ჩვენების გარეშე, პაციენტის მოთხოვნის საფუძველზე ჩატარებულ საკეისრო კვეთას, ან ე.წ. VIP პალატის მომსახურებას, აღნიშნული სერვისები სახელმწიფოს მიერ არ ფინანსდება”, – წერია განცხადებაში.

აღნიშნული ცვლილება სამედიცინო დაწესებულებების დიაგნოზთან შეჭიდული ჯგუფებით (DRG) დაფინანსების სისტემის გაფართოების შედეგად განხორციელდა. DRG მოდელით მშობიარობისა და საკეისრო კვეთის მომსახურების ტარიფები გათანაბრდა და საყოველთაო ჯანდაცვის პროგრამაში ჩართულ ყველა სამედიცინო დაწესებულებაში, 1 222 ლარით განსაზღვრა;

“ქვეყანაში საკეისრო კვეთის მაღალი მაჩვენებლის გამო, მიზანშეწონილად ჩაითვალა საკეისრო კვეთისა და მშობიარობის ფასის გათანაბრება, რაც შეამცირებს სამედიცინო პერსონალის მოტივაციას საკეისრო კვეთის სასარგებლოდ”, – ამბობს სამინისტრო.

სხვა ახალი ამბები:

გუგა ქაშიბაძე სამწუხარო ინფორმაციას ავრცელებს

ყველაზე განათლებულ თურქ მსახიობად აღიარებული ქალის მძიმე ცხოვრება – ბრძოლა მძიმე სენთან და სხვა უცნობი ამბები ვაჰიდე პერჩინის შესახებ

“მშვენიერი, დახვეწილი და გემოვნებიანი” – უმშვენიერესი ნინო გაჩეჩილაძის საშემოდგომო ფოტოსესია