ასტროლოგები წინასწარმეტყეველებენ, რა ელის თითოეულ ნიშანს მიმდინარე კვირის განმავლობაში:
ქალწული
ქალწულების უმეტესობას მოუწევს ოჯახური საკითხების მოგვარება, რომლებიც დაკავშირებულია არა მხოლოდ საკუთარ ოჯახთან, არამედ ნათესავებთან. პროფესიული სფერო ახალი ვალდებულებების, დამატებითი პასუხისმგებლობის აღებას, ახალი პროექტის დაწყებას მოითხოვს, რომელიც თქვენს ცხოვრებას სამომავლოდ უკეთესობისკენ შეცვლის. ამ კვირაში საუკეთესო დროა, გამოასწოროთ ის შეცდომები, რომლებიც ადრე დაუშვით, პატიება სთხოვოთ ადამიანებს, რომლებსაც აწყენინეთ. ასტროლოგების თქმით, ახლა ყველა შანსი გაქვთ, რომ მნიშვნელოვან ადამიანს შეხვდეთ და რომანტიკული ურთიერთობა დაიწყოთ. შესაძლოა, ეს ადამიანი სულაც არ იყოს უცხო, პირიქით, თქვენს სანაცნობო წრეში ტრიალებდეს, თუმცა ახლა სულ სხვა თვალით შეხედავთ.
კირჩხიბი
კირჩხიბები ცხოვრებისგან მნიშვნელოვან საჩუქარს მიიღებენ, რაც მათ გულწრფელად გაუხარდებათ. კირჩხიბების უმეტესობა გაიუმჯობესებს ცხოვრების სტანდარტს, პროფესიულ სფეროში კი ახალი გარიგებები, მოგებიანი კონტრაქტები და შეთავაზებები გაგახარებთ. ახლა ენერგიის მოზღვავებასა და მოტივაციას იგრძნობთ, პირად ურთიერთობებში კი პარტნიორისგან ბევრი თბილი კომპლიმენტი და სასიამოვნო ინიციატივა გელით. გარდა ამისა, ამავე კვირაში შესაძლოა მნიშვნელოვანი გადაწყვეტილების წინაშე დადგეთ და ქორწინების შეთავაზება მიიღოთ.
ლომი
ამ კვირაში შესაძლოა, საპირისპირო სქესის წარმომადგენლისგან ძალიან დიდი ყურადღება, ბევრი კომპლიმენტი და ლამაზი სიტყვა მიიღოთ. თუმცა, ასტროლოგები გირჩევენ, რომ ყურადღებით იყოთ. მანიპულაციის დიდი რისკი არსებობს. შესაძლოა, საკუთარი თავი უმწეოდ იგრძნოთ, ეს კი თქვენთვის ჩვეული გრძნობა არაა და გამკლავება გაგიჭირდებათ. მაგრამ, თქვენი გამჭრიახობა და წინდახედულობა პრობლემას გადაგალახვინებთ. ასევე, დაუთმეთ დრო ჰობის, აკეთეთ საყვარელი საქმე და ნეგატიური ემოციებისგან აუცილებლად გათავისუფლდებით.
