„უცნაური რამ ხდება დღეს საქართველოში. არის სიმშვიდე, რომელიც გვაძლევს საშუალებას სულიერი აღორძინებისა, მატერიალური აღორძინებისა, ინტელექტუალური აღორძინებისა, გენოფონდის აღორძინებისა, კულტურული აღორძინებისა, ამიტომ დღეს, როგორც არასოდეს ქართველები ერთად უნდა დავდგეთ-ერი, ბერი, ხელისუფლება“
აღნიშნული განცხადება დეკქნოზმა თეოდორე გიგნაძემ ქადაგებისას გააკეთა.
„ქრისტიანებს გვაქვს შეფასების კრიტერიუმები. თუ არის მცდელობა რომ სახარებისეული ზნეობრივი ნორმები მეტად და მეტად იქნას დაცული, რომლებიც ჩვენს შვილებს გადაარჩენს, ეს მაინც რომ მოხდეს და თუ ამის რაღაც ჩანასახი ჩანს, თუ დღეს ვხედავთ სიმყუდროვეს, თუ დღეს ვიღაცას გაახსენდა თურმე ჩვენი ქვეყანა, ჩვენი შვილები უნდა დავიცვათ, ამას გვერდში დგომა სჭირდება იდეურად. ჩვენი ერთადერთი საზომი არის წმინდა წერილი, ის გააცოცხლებს ქართულ სულს და შესაბამისად ქართველ ერს. სხვა ყველაფერი გამანადგურებელი იქნება. თუ ამგვარ რწმენას გავაცოცხლებთ ყოველი წამი იქნება იმედის მომცემი.“ – აღნიშნა მან.
