“მაშველი, რომელიც შოვში მე-4 სართულიდან გადმოვარდა, 2 საათი იწვა კლინიკაში და გაიქცა უკან,  შოვში უნდა დავბრუნდე, აქ ვერ გავჩერდებიო – “ასეთ გმირებზე დგას სამყარო დღეს

საქართველო შოვში 24 დაღუპულს გლოვობს. 12 ადამიანს ამ დრომდე ეძებენ, მათ შორის არიან ბავშვები.

სოციალურ ქსელში ჯგუფი „რაჭა” ერთ-ერთი მაშველის შესახებ ემოციური ამბავი ვრცელდება, რომელსაც უცვლელად გთავაზობთ:

„სასტუმროს მეოთხე სართულიდან გადმოვარდა. სასწრაფოდ ჩამოიყვანეს თბილისში ვერტმფრენით და მოათავსეს საავადმყოფოში. 2 საათი იწვა ხეჩინაშვილის კლინიკაში, ჩაუტარეს და სხვა სამედიცინო პროცედურები, შემდეგ კი პალატა დატოვა და შოვში დაბრუნდა დაკარგულებს ვეძებთ და აქ ვერ გავჩერდებიო წარმოუდგენელია, არა? ასეთ გმირებზე დგას სამყარო დღეს და მადლობა მას. ღმერთმა დაგლოცოს. პოსტის ავტორია არაჩვეულებრივი პედაგოგი და ჩემი მეგობარი სვეტლანა სინა”.