50 წლის არტისტი, მეცნიერი, მუსიკოსი, ფოლკლორისტი, ხელოვნებათმცოდნე გია ბაღაშვილი საზოგადოებაში დიდი პოპულარობით სარგებლობს. პროფესიიდან გამომდინარე ის ხშირად არის მედიის ყურადღების ცენტრში.
ამ სტატიაში დღეს გია ბაღაშვილის პირადზე მოგიყვებით. როგორია ცნობილია არტისტის ცხოვრება და რატომ დაინგრა მისი ოჯახი 13-წლიანი თანაცხოვრების შემდეგ.
ბიოგრაფია
დაამთავრა ვანო სარაჯიშვილის სახელობის თბილისის სახელმწიფო კონსერვატორია 1994 წელს(მუსმცოდნეობა, ფოლკლორის განხრით).
1990 წელს დააარსა ფოლკლორული ჯგუფი „მიმინო”; 1995 წლიდან ეწევა სამეცნიერო საქმიანობას, პარალელურად 1995-2005წწ. იყო შემოქმედებითი გაერთიანება „ლომისის” მუსიკალური ხელმძღვანელი, 2005 წლიდან გენერალური დირექტორი; 2006 წელს დააარსა მუსიკალური ჯგუფი „ქუჩის მუსიკოსები”; 2001-2006წწ. ე. თაყაიშვილის სახელობის თბილისის კულტურის სახელმწიფო უნივერსიტეტის ფოლკლორის კომპლექსური კვლევის ლაბორატორიის ხელმძღვანელი; 2000-2007წწ. ვ. სარაჯიშვილის სახელობის თბილისის სახელმწიფო კონსერვატორიის, ე. თაყაიშვილის სახელობის თბილსისი კულტურის სახელმწიფო უნივერსიტეტისა და თბილისის სახელმწიფო თეატრალური უნივერსიტეტის პედაგოგი(მუსიკალური ფოლკლორი), პროფესორი; მისი თაოსნობით ჩატარებულია მრავალი შემოქმედებითი საღამო, კონცერტი, ბენეფისი, სხვადასხვა ჟანრის საერთაშორისო მუსიკალური ფესტივალი; ავტორია ორი საავტორო ტელეპროექტის ხალხური მუსიკის შესახებ: „შემოძახილი”, „საახალწლო”; გასტროლებით შემოიარა: აშშ, გერმანია, იტალია, მალტა ჯგუფ „მიმინოსთან ” ერთად; ხელოვნებათმცოდნეობის დოქტორი.
– „ქართული მუსიკალური ფოლკლორის ესთეტიკის სათავეებთან”, დაიცვა 2005 წელს.
ოჯახი
გია ბაღაშვილის და თამუნა ტაბატაძის ოჯახს, ალბათ ბევრი თქვენგანი იცნობს, წყვილს შორის 19-წლიანი სხვაობაა, მათ 4 შვილი ჰყავს.
რამდენიმე დღის წინ კი ცნობილი გახდა, რომ წყვილი ერთმანეთს გაშორდა. როგორც გიამ სოციალურ ქსელში დაწერა მესამე წელია რაც ცოლ-ქმარი აღარ არიან. მიზეზი განსხვავებული ხედვები იყო, მომავალთან დაკავშირებით.
წყვილმა 2009 წელს იქორწინა, იმჟამად თაკო 18 წლის იყო და მიუხედავად იმისა, რომ მათ შორის 19 – წლიანი ასაკობრივი სხვაობა იყო, წყვილი ბედნიერად გრძნობდა თავს.
გია ბაღაშვილის პირველი კომენტარი ცოლთან განშორებაზე
განშორებამდე წყვილს ბევრი საინტერესო მოგონებები ჰქონდათ.
თამუნამ და გიამ ერთმანეთი ირინა ონაშვილის დახმარებით გაიცნეს. შემდეგ კი ჯვარზე მამა დავითმა ჯვარი დასწერათ და საქორწინო მოგზაურობაში წავიდნენ.
„გია არაჩვეულებრივი მეუღლეა, ძალიან თბილი და ყურადღებიანი. ძალიან გვანებივრებს მეც და პატარებსაც. როცა გია სახლში არ არის, ისე ენატრებათ ბავშვებს, ტელეფონს მომიტანენ ხოლმე – მამას დავურეკოთო. ცალკე კოალიცია აქვთ მამასთან (იცინის). ნინი, ჩვენი უფროსი ქალიშვილი, უარს გვეუბნება ხოლმე ჭამაზე, ცოტა პრეტენზიული მჭამელია. ტკბილეული უყვარს ძალიან – ეს გენეტიკურია ალბათ (იცინის), სასარგებლო საკვები კი, რომელიც აუცილებლად უნდა მიიღოს, დიდად არ მოსწონს. ერთხელ გიამ მითხრა, მე ვაჭმევო. მეც, დავთანხმდი და სხვა ოთახში გავედი. როცა უკან დავბრუნდი, თეფში ცარიელი დამხვდა. ცოტა დავეჭვდი, რადგან, ნინი ასე სწრაფად არ მიირთმევს ხოლმე (იცინის). თურმე, მამიკოს და შვილს საჭმელი გადაუყრიათ“, – ამბობდა თამუნა „თბილისელებთან“ ინტერვიუში.
სახლი
სახლი, რომელშიც გია ბაღაშვილი მეუღლესთან და ქალიშვილებთან ერთად ცხოვრობდა, საქორწინო საჩუქარი იყო, თუმცა ხელოვანთა ოჯახი საცხოვრებლად აქ მეოთხე ქალიშვილის შეძენის შემდეგ გადავიდა.
„ეს ბინა ჩემი მშობლების საჩუქარი გახლავთ, ჩვენი ოჯახის შექმნასთან დაკავშირებთ. მე და თამუნა 2009
წელს დავქორწინდით. იქიდან მოყოლებული ჯერ სახლის დამთავრებას ველოდებოდით, შემდეგ სარემონტო სამუშაოებით ვიყავით დაკავებული. მალე ერთი წელი გახდება, რაც გადმოვედით“, – ამბობდა გია ბაღაშვილი „shin.ge“-სთან ინტერვიუში.
წყარო: „shin.ge“
