26 Views
ვატო შაქარიშვილი და მისი თანამოაზრეები ახალ საზოგადოებრივ მოძრაობას ქმნიან.
პრეზენტაცია დღეს რუსთაველის თეატრში გაიმართება. შაქარიშვილის განცხადებით, ახალი საზოგადოებრივი მოძრაობის მიზანია, არ დაუშვან ქვეყანაში რევოლუციური სცენარების განხორციელება და დაიცვან საქართველოს აგრესიული ლიბერალური შემოტევისგან.
„გავწევთ წინააღმდეგობას ყველა იმ აგრესიულ შემოტევაზე, რაც მიმდინარეობს ჩვენი ქვეყნის, სახელმწიფო ინსტიტუტების, ეკლესიის, ოჯახის, რწმენისა და ყველა იმ ღირებულების წინააღმდეგ, რაც ჩვენთვის ძვირფასია. საქართველოში ვერ დამყარდება ლიბერალური დიქტატი. ეს იქნება ამ საზოგადოებრივი მოძრაობის საქმიანობის იდეა“, – განაცხადა კონსერვატიული პორტალის „საქართველო უპირველეს ყოვლისა” დამფუძნებელმა, ვატო შაქარიშვილმა.
