„ნაპოლი“ იტალიის ჩემპიონი გახდა

იტალიის ჩემპიონატის 33-ე ტურში „ნაპოლიმ“ „უდინეზესთან“ გასვლაზე ფრე 1:1 ითამაშა და ისტორიაში მესამედ იტალიის ჩემპიონი გახდა.

მასპინძლები მე-13 წუთზე სანდი ლოვრიჩმა ეფექტური გოლით დააწინაურა.

მეორე ტაიმის 52-ე წუთზე სტანდარტული მდგომარეობის გათამაშების შემდეგ კარში ხვიჩა კვარაცხელიამ დაარტყა, ხოლო დამატებაზე კი ვიქტორ ოსიმენმა გაიტანა.

აქამდე „ნაპოლი“ იტალიის ჩემპიონი ორჯერ გახდა, 1986/87 და 1989/90 წლის სეზონებში.