„ვერ გვეძლევა იმის საშუალება, რომ მშობლებს ტკბილი სიბერე ჰქონდეთ, ამ ყველაფერმა მოტეხა დედაჩემიც, გარეთ გასვლა აღარ უნდა“ – ლენუკა ყიფშიძე

March 24, 13:52
0
217

რადიო „ფორტუნა პლუსის” გადაცემას „ვიზიტორი” მოდელი, „პრაიმჰაუსის” მონაწილე, ლენუკა ყიფშიძე სტუმრობდა და არაერთ საინტერესო თემაზე ისაუბრა.

მათ შორის, შეეხო სადავო ბინის გარშემო განვითარებულ მოვლენებს. ლენუკა ყიფშიძის თქმით, საკითხი ჯერ კიდევ არ არის გადაწყვეტილი.

„კიდევ მიმდინარეობს დავა, ძალიან ბევრნი ვცხოვრობთ, ხომ იცით. მთელი ოჯახი ზურაზე ვართ, აღარ მინდა, სანერვიულო ჰქონდეს. მე და გიორგი უკვე ისეთ ასაკში ვართ, ჩვენი მისახედია ზურა, თუმცა სამწუხაროდ, ვერ გვეძლევა იმის საშუალება, რომ მშობლებს ტკბილი სიბერე ჰქონდეთ. არ მინდა, მშობლებმა იფიქრონ იმაზე, რომ აი, ბანკში ვალი მაქვს, რა ვუყო შვილებს და ა.შ… როგორც დღეს სახლებს კარგავენ, ისე მოგვივიდა მე და დედაჩემს, ვენდეთ მეგობარს, რომელმაც შემდეგ თავი მოიკლა.

მოხდა ისე, რომ ბანკმა ჩამოგვართვა, ზურამ სთხოვა გვაცადეთო, მაგრამ არ გვაცადეს, გაიყიდა უცხოელზე, ვინ არ ჩავრიეთ, მაგრამ გვერდში არავინ დაგვიდგა. ძალიან გულდასაწყვეტია. დღეს ისევ სასამართლოშია საქმე… ამ ყველაფერმა მოტეხა დედაჩემიც, აღარ უნდა გარეთ გასვლა”, – აღნიშნა ლენუკამ რადიო „ფორტუნა პლუსის” გადაცემაში „ვიზიტორი”.

Cesko