“გეტყვი, გადმოდი, მე დავჯდები საჭესთან…”; “ხოდა, ვუთხარი…” – ხაბეიშვილი და გრიგოლია

January 25, 07:50
0
422

ნაციონალური მოძრაობის თავმჯდომარეობის კანდიდატი, ლევან ხაბეიშვილი, ჟურნალისტ, ინგა გრიგოლიას კითხვებს პასუხობს და ეხმაურება, ნიკა მელიას ბრიფინგსაც, რა დროსაც, მელიამ, მისი გამარჯვების შემთხვევაში, პარტიის გენერალური მდივნად გიორგი კირთაძე დაასახელა.

ლევან ხაბეიშვილი:

-პატივს ვცემ გიორგის, დარწმუნებული ვარ, რუსი ოლიგარქის წინააღმდგე, ჩვენ ყველანი ერთად ვიბრძოლებთ, მაგრამ არ დაგვავიწყდეს, რომ იგივე ნიკა არის ადამიანი, რომელმაც აჭარაში ლამის მოკვეთა ლევან ვარშალომიძე და მთავარ მტრად გამოაცხადა, მათ შორის, შიდაპარტიულ არჩევნებში. 2022 წლის მარტიდან მოყოლებული ვიცით რომ მიხეილ სააკაშვილის ჯანმრთელობის მდგომარეობა არის მძიმედ, გამახსენეთ ნიკა მელიას ამ პერიოდში თუ ქონდა რაიმე აქტიობა? რაც არჩევნები გამოცხადდა პარტიაში, მას შემდეგ გააქტიურდა ნიკა მელია მიხეილ სააკაშვილის თემით. აიღეთ ნოემბერ-დეკემბრის ნიკას გამოსვლები, რამდენჯერ ახსენებს მიხეილ სააკაშვილს და მერე გადაახვიდეთ, ნახეთ ოქტომბერი, აგვისტო, ივლისი, როცა პარტიას საღათს ძილით ეძინა, 50 მდე ოფისია დახურული. აპოკალიფსი დახატეთ, თურმე, ქართულ ოცნებას უხარია, ქართულ ოცნებას როგორ უხარია, როცა 44 000 ადამიანია უკვე დარეგისტრირებული?

ინგა გრიგოლია:

-ბევრია ეგ?

ლევან ხაბეიშვილი:

-ქალბატონო ინგა, დიახ, ძალიან ბევრია, წინა შიდა არჩევნებში იცით რამდენმა მიიღო მონაწილეობა?

ინგა გრიგოლია:

-არ ვიცი, რამდენმა

ლევან ხაბეიშვილი:

-20 000-მა და დღეს უკვე ორნახევარჯერ მეტია ლამის დარეგისტრირებული. თქვენ ამბობთ რა დროს არჩევნებია, ჩვენი ამომრჩეველი რეგისტრირდება. ცვლილებების ქარიშხალია ნაციონალურ მოძრაობაში, ჩვენი ამომრჩეველი ითხოვს ცვლილებებს. თუ ვინმეს ჰგონია, რომ ნაციონალური მოძრაობის ამომრჩეველი ითხოვს უძრაობას, ამას არჩევნების შედეგი აჩვენებს. ქართული ოცნება ამაზე ნამდვილად ვერ იცინის. გეგონება ეროვნული არჩევნები იყოს, ასე უყურებენ.

ინგა გრიგოლია:

-თქვენც ასე აყენებთ, ორივე მხარე პარტიაში. მეც ხანდახან განცდა მაქვს, რომ დიდი ეროვნული არჩევნებია.

ლევან ხაბეიშვილი:

-ქართული ოცნება უყურებს ამას როგორც ეროვნულ არჩევნებს და რატომ? იმიტომ რომ ზუსტად იციან, ნაციონალური მოძრაობა განსაზღვრავს პოლიტიკურ დღის წესრიგს და დამოკიდებულია როგორი მესაჭე ეყოლება. მილიონჯერ დაისვა ეს შეკითხვა და მარტივი მაგალითი რომ ვთქვა, ავტომობილში რომ ვისხდეთ ოთხი მგზავრი და საჭესთან ვიჯდე მე, რაც არ უნდა კარგი მძღოლი იყოთ და მირჩიოთ გვერდიდან, საჭესთან ვზივარ მე, ან წავალ ავტობანით, ან მეორეხარისხოვანი გზით. მესაჭეა მთავარი.

ინგა გრიგოლია:

-არა, რატომ, მე შემოგიძახებ, ლევან, ვერ მართავ საჭეს და მე ვიმოქმედებ, გეტყვი, გადმოდი, მე დავჯდები საჭესთან…

ლევან ხაბეიშვილი:

-ხოდა, ვუთხარი…

ინგა გრიგოლია:

-არა, არა, არა, ამდენი ხანი, ვიდრე არ გამოჩნდა მსხვილი ფიგურების საცეცები, ამდენი ხანი მსგავსი არაფერი მოგვისმენია. ეაქტიურათ, კაცო, გიორგი ბოტკოველი, დათო კიკიტაძე, პეტრე, თქვენ… პარტიას თუ ეძინა…

ლევან ხაბეიშვილი:

-50 ოფისი დაიხურა რეგიონებში, ეს ნორმალურია? პარტიის თავმჯდომარე უნდა ხურავდეს რეგიონალურ ოფისებს? და დღეს რომ ჩავდივარ ოჯახებში ვხვდები ადამიანებს, იმიტომ რომ ოფისები არ გვაქვს?

ინგა გრიგოლია:

-იქნებ ფინანსური კრიზისია?

ლევან ხაბეიშვილი:

-ფინანსური კრიზისი როგორ არის, როცა ფეისბუქ რეკლამაში ნახევარი მილიონი ლარი იხარჯება? ეს არის ფინანსური კრიზისი? სულელები ხომ არ ვართ, ეს ხომ საჯაროა. გასაჯაროებულია, რომ ნახევარ მილიონ ლარზე მეტია დახარჯული. პრობლემაა, როცა ოფისები იხურება, როცა პრეზიდენტ სააკაშვილის საკითხი არ არის ნომერ პირველი. წარმოგიდგენიათ, მე რომ ვთქვა, რომ ძმები ახალაიების მხარს უჭერენ ნიკა მელიას და ეს ცუდ კონტექტსში მოვიხსენიო?

ინგა გრიგოლია:

-კომპრომატია ეს თქვენთვის?

ლევან ხაბეიშვილი:

-არა, როგორ გეკადრებათ? ეგ ვთქვი? პირიქით, იმას ვამბობ, ეს სწორი იქნებათქო? ეს ხომ იქნება ცუდი საქციელი? იგივეს აკეთებენ.

Cesko