ჩვენს წინაპრებს სჯეროდათ, რომ ახალი წელს მომხდარი საოცრებები – ეს მინიშნებები იყო, რომელთა იგნორირება არაფრით არ შეიძლებოდა.
არადა, საოცრებები ახალ წლის კვირაში ხშირად ხდებოდა. მათზე დაკვირვებით ძველმა ხალხმა გარკვეული დასკვნები გამოიტანა და ახსნა-განმარტება მოუძებნა ამა თუ იმ მოვლენას.
სწორედ ამ მრავალსაუკუნოვან გამოცდილებაზე დაყრდნობით გაგაცნობთ ახალი წლის იმ მინიშნებებს, რომლებსაც, ხალხური რწმენით, აუცილებლად უნდა მიექცეს ყურადღება, რათა გარკვეული სირთულეები თავიდან ავიცილოთ.
1 იანვარი:
თუ მზის ამოსვლამდე იბანავებთ, მთელი წლით გაიწმინდებით ნეგატიური ენერგიისა და ავი ზრახვებისგან;
თუ შინ მძიმე ავადმყოფი ჰყავს ვინმეს, ეკლესიიდან მიტანილი სანთელი უნდა დაანთოს ავადმყოფის სასთუმალთან და იქვე დაწვას. შემდეგ კი ნამწვი სადმე მიწაში დაფლას;
თუ ავეჯს ადგილს შეუცვლით და ფულს გადაითვლით, მთელი წელი კეთილდღეობა და შემოსავალი არ დაილევა თქვენს ოჯახში;
გასათხოვარი ქალი თმას მოიჭრის და ბედობის დადგომამდე (2 იანვრამდე) ბალიშქვეშ შეინახავს, იმ წელს აუცილებლად ეწევა ბედს.
