„ყველა თეატრმა უნდა შეუჩეროს საქმიანობა დედასაც და შვილსაც. “იმედმა” კი შეუწყვიტოს საქმიანობა ხაზარაძეს და ჯაჯანიძეს” – ხულოს თეატრის სამხატვრო ხელმძღვანელი სასტიკ სასჯელს ითხოვს

ხულოს სახელმწიფო დრამატული თეატრის სამხატვრო ხელმძღვანელი როინ სურმანიძე სოციალურ ქსელში მსახიობი თამარ მაყაშვილის ირგვლივ დატრიალებულ სკანდალს გამოეხმაურა და მოითხოვა, რომ ის და რუსკა მაყაშვილი ყველა თეატრმა დაითხოვოს. გარდა ამისა, როინ სურმანიძე მოითხოვს, „იმედის” ტელეწამყვანებს გია ჯაჯანიძეს და ნანიკო ხაზარაძეს აეკრძალოთ ჟურნალისტური საქმიანობა მინიმუმ 10 წლით.

„არა მარტო ბათუმის დრამატული თეატრიდან, ასევე ყველა თეატრმა უნდა შეუჩეროს საქმიანობა დედასაც და შვილსაც. ასევე ტელეკომპანია იმედმა შეუწყვიტოს საქმიანობა ჟურნალისტებს: ხაზარაძეს და ჯაჯანიძეს. კარგი იქნება თუ ათი წლით აეკრძალებათ ჟურნალისტური საქმიანობა”,- წერს როინ სურმანიძე.