“ახლა მაინც თუ ვაცნობიერებთ, რა დანაშაული იქნა ჩადენილი ნამახვანის ჰესის მშენებლობის გაჩერებით” – რომან გოცირიძე

“ნაციონალური მოძრაობის” წევრი, რომან გოცირიძე სოციალურ ქსელში რუსეთის მიერ ენერგორესურსების შეწყვეტის საფრთხის შესახებ სოციალურ ქსელში წერს.

“რუსეთის მიერ ევროპისათვის გაზის მიწოდების შეწყვეტის შემდეგ, ვინმეს ეპარება ეჭვი, რომ საჭიროების შემთხვევაში, ღილაკზე ერთი ხელის დაჭერით, რუსეთი მთელ საქართველოს ჩააბნელებს? ენგური ხომ დღეს რუსეთის მიერ ოკუპირებულ ტერიტორიაზე გამოიმუშავებს დენს? ახლა მაინც თუ ვაცნობიერებთ, რა დანაშაული იქნა ჩადენილი ნამახვანის ჰესის მშენებლობის გაჩერებით?”, – წერს გოცირიძე.