უნგრეთის მთავრობის ოფიციალურმა წარმომადგენელმა, ზოლტან კოვაჩმა „ფეიკი“ უწოდა უკრაინის უშიშროების საბჭოს მდივნის, ალექსეი დანილოვის განცხადებას, რომ უნგრეთმა იცოდა უკრაინაზე თავდასხმის შესახებ და უკრაინის ტერიტორიის ნაწილის წაღება სურდა.
„ყალბ ამბებზე პასუხი: 3 აპრილს უნგრელებმა გადაწყვიტეს, რომ უნგრეთი უკრაინაში იარაღს არ გააგზავნის. მიუხედავად იმისა, რომ ჩვენ გვესმის, რომ უკრაინა არ მიესალმება ჩვენს გადაწყვეტილებას, ყალბი ამბების გავრცელება და სიცრუის შეთხზვა არ შეცვლის ჩვენს პოზიციას“, – აღნიშნა უნგრეთის მთავრობის ოფიციალურმა წარმომადგენელმა.
