რუსეთ–საქართველოს ურთიერთობებს ნათელი მომავალი აქვს – გრიგორი კარასინმა ქართულ დელეგაციას მიმართა

March 25, 23:25
0
263

“ჩვენს ურთიერთობებს ნათელი მომავალი აქვს” – ამის შესახებ რუსეთის დუმაში, საერთაშორისო საქმეთა კომიტეტის ხელმძღვანელმა გრიგორი კარასინმა ქართულ დელეგაციას მიმართა.

დიმიტრი ლორთქიფანიძე, გორჩაკოვის ფონდისა და პრიმაკოვის ცენტრის წევრებთან ერთად, უკვე ორი დღეა შეხვედრებს მართავს. დელეგაციაში არიან “ევროპული სოციალისტების” პოლიტიკური საბჭოს წევრი თამარ კიკნაძე, რუსეთში ქართული დიასპორული ჯგუფის ხელმძღვანელი დავით ცეცხლაძე და დიასპორის სხვა წარმომადგენლები.

რუსეთის საგანგებო დავალებათა ყოფილი ელჩი, სენატორი გრიგორი კარასინი კმაყოფილი დარჩა ქართულ დელეგაციასთან შეხვედრით. ქართულ დელეგაციას “ევგენი პრიმაკოვის სახელობის სახალხო დიპლომატიის ცენტრის” დირექტორი, დიმიტრი ლორთქიფანიძე ხელმძღვანელობს. გორჩაკოვის ფონდის ფორუმში ასევე მონაწილეობს რუსეთის ხელისუფლების მიერ შექმნილი ქართული ეროვნულ-კულტურული “ავტონომიის” დირექტორი დავით ცეცხლაძე. დელეგაციის შემადგენლობაში არიან “გეპეის” პროფესორი და “ევროპელი სოციალისტების” პოლიტსაბჭოს წევრი თამარ კიკნაძე, ჟურნალისტი ვასილ კაპანაძე და სხვები.

Cesko