“მე რომ უკრაინაში ვიყო, წინა ხაზზე გავიდოდი…” – მიხეილ სააკაშვილი 

March 18, 15:31
0
400

მე რომ უკრაინაში ვიყო, წინა ხაზზე გავიდოდი, ვინაიდან 2 წელი ჯარშიც ვიმსახურე და საქართველოში რეზერვისტის კურსიც გავლილი მაქვს, – ამის შესახებ საქართველოს მესამე პრეზიდენტის მიხეილ სააკაშვილის განცხადებაშია აღნიშნული, რომელიც მის „ფეისბუქ“ გვერდზე გავრცელდა.

სააკაშვილის ინფორმაციით, უკრაინაში ორი ქართველი მოხალისე დაიღუპა. ის მოქალაქეებს მოუწოდებს, სამხედრო მომზადების გარეშე შეიარაღებულ შენაერთში ნუ ჩაეწერებიან.

„ძალიან სამწუხარო ფაქტი – ორი ქართველი მოხალისე დაგვეღუპა. მინდა ყველას მოვუწოდო, ვინც უკრაინაში მიდის – თუ საერთოდ არ გაქვთ რაიმე სამხედრო მომზადება გავლილი, ნუ ჩაეწერებით შეიარაღებულ შენაერთში. ადგილზე ბევრი სხვა სახის დახმარებაა შესაძლებელი. დაეხმარეთ საგანგებო სიტუაციების სამსახურს, სამედიცინო ბრიგადებს. წინა ხაზზე გასვლა სულ სხვა მომზადებას საჭიროებს. მე რომ იქ ვიყო, წინა ხაზზე გავიდოდი, ვინაიდან 2 წელი ჯარშიც ვიმსახურე და საქართველოში რეზერვისტის კურსიც გავლილი მაქვს“,- აცხადებს მიხეილ სააკაშვილი.

Cesko