„ნატო არ არის ევროპის უსაფრთხოების სისტემა და საქართველოს არ სჭირდება ნატოში გაწევრიანება“ – დემურ გიორხელიძე

March 13, 09:39
0
770

ეკონომისტი დემურ გიორხელიძე სოციალურ ქსელში წერს:

15 წლის წინ, სრულიად სხვა განწყობებისა და ილუზიების
ქართულ პოლიტიკურ სივრცეში, პ ი რ ვე ლ ა დ გავახმიანე ჩემი მოსაზრება, რომელიც არ იყო სპონტანური, როცა დამისვეს კითხვა:
“სად ხედავთ საქართველოს უსაფრთხოების გარანტიებს?”
პასუხი ასეთი იყო, რომელიც მერე უამრავჯერ გავიმეორე სატელევიზო გამოსვლებისას თუ საგაზეთო ინტერვიუებსა და შენიშვნებში:
“საქართველოს უსაფრთხოების მომავალი არის
ევროპის საერთო უსაფრთხოების სისტემაში, რომელიც აუცილებლად შეიქმნება და იგი (ანუ უსაფრთხოება და სისტემა) შეუძლებელია რუსეთის მონაწილეობის გარეშე”.
მაშინ ევროპაში ამაზე მხოლოდ კანტი კუნტად თუ ისმოდა არამეინსტრიმული შეფასებები, – მხოლოდ 10 წლის შემდეგ პირველად საჯაროდ ამაზე მაკრონი ალაპარაკდა.
საქართველოში მაშინ და დღემდე, რაღაც გაუგებარი,
არაგონიერი და გარედან კარგად დაფინანსებული და
მიზანმიმართული ნეო-ბოლშევიკური წამლეკი
პროპაგანდა იყო და არის: “ჩვენ “ვაღებთ” დასავლეთის კარს” და სხვა თავისთავად იგულისხმებოდა.
ეს არ იყო და არ არის დასავლეთის კარის გაღება, –
ორიოდე დღის წინ დავწერე, – რა არის დასავლური
ორიენტაცია! ეს იყო დიდ დაფინანსებაზე დაფუძნებული
პროქსი-საზოგადოებრივი და პროქსი-პოლიტიკური ჯგუფების დემაგოგია და უტიფრობა ფულის სანაცვლოდ!
15 წლის წინ, ჩემთვის ის, რაც ვთქვი, იმდენად ანბანური
იყო (და მით უფრო ახლა!), არც კი მიმაჩნია რაიმე
განსაკუთრებულ გონიერებად: უბრალოდ, ანალიზი და
ჩემს ხელთ არსებული ინფორმაცია სხვა დასკვნის
გაკეთების საშუალებას არ მაძლევდა.
ნატო?
მაშინაც და მერეც არასდროს მოვრიდებივარ მეთქვა, რომ
ნატო არ არის ევროპის უსაფრთხოების სისტემა და
საქართველოს არ სჭირდება ნატოში გაწევრიანება,
რადგან ეს შეუძლებელია და დიდ საფრთხეებთანაა
დაკავშირებულითქო.
როგორ ფიქრობთ, ამდენი წელია, ასეთი განცხადებების
კეთება იმ სიშლეგით გაჯერებულ ყალბ და მოტყუებული
და იდეოლოგიით დაკნინებული ადამიანთა საკმაო
ნაწილის ქვეყანაში, – ჩემთვის იოლი იყო?!
არა!!!
არაერთი საცოდავი და უბადრუკი ადამიანის უტაქტო შეპასუხება და კომენტარი მსიამოვნებდა?
არა!!!
მაგრამ თუ საჯარო პირი ხარ და შენი მოქმდების უკან არაფერია, გარდა პასუხისმგებლობისა და მომავლისა, – სულაც არ მიმიქცევია და არც ახლა ვაქცევ ყურადღებას! ადამიანებს საკუთარი ტრაგედია ჰყოფნით, –
ზრდასრული ადამიანები ამებას აზროვნების დონემდე
დაიყვანა იდეოლოგიურმა წნეხმა.
წესიერი საჯარო პირის შეურაცხყოფა შეუძლებელია!
დრო ალაგებს ყველაფერს!
ვისაც უნდა საჯარო პირად ყოფნა, საქმე და მომავალის
წინაშე პასუხისმგებლობა, – მისთვის ეს ჩვენი ხალხის
ნაწილი, დაკნინებული და გონებაშეზღუდული
აზროვნებით, სიბრალულს და მტკივნეულ განცდას უნდა
იწვევდეს და არა მათ მიმართ აგრესიას.
უფალმა შეგინდოთ,
რაც დაგიშვიათ, უზრდელობა, უტაქტობა, უტიფრობა თუ უვიცობა!
დრო აფასებს ყველაფერს!

Cesko