24 Views
ესტონეთის პრემიერ-მინისტრმა კაია კალასმა განაცხადა, რომ საჭიროა უკრაინის შემდგომი მხარდაჭერა მის გამარჯვებამდე.
„ჩვენ ყველაფერი უნდა გავაკეთოთ იმისთვის, რომ უკრაინამ გაიმარჯვოს, ჩვენ მათ დახმარება უნდა გავუწიოთ. მეორე პუნქტი არის ის, რომ ნატომ რუსეთი გრძელვადიან საფრთხედ გამოაცხადა და ჩვენ უნდა ვიმუშაოთ რუსეთიდან მომდინარე აგრესიის წინააღმდეგ“, – აღნიშნა მან.
კალასმა, ასევე, ხაზი გაუსვა თავდაცვაში მეტი ინვესტიციის საჭიროებას და კმაყოფილია იმით, რომ უკვე 23 ქვეყანა მშპ-ის 2%-ზე მეტს ხარჯავს თავდაცვაზე, ხოლო ესტონეთი 3%-ზე მეტს ხარჯავს და ამ მაჩვენებლით მეორეა პოლონეთის შემდეგ.
