რომის პაპი ფრანცისკე კლინიკაში გადაიყვანეს.
როგორც ვატიკანის წარმომადგენელი მატეო ბრუნი ამბობს, ამის მიზეზი რესპირატორული ინფექცია გახდა.
მისი თქმით, ბოლო დღეების განმავლობაში პაპი ფრანცისკე სუნთქვით სირთულეებს უჩიოდა, თუმცა არ დაუდასტურდა კორონავირუსი.
„ბოლო დღეების განმავლობაში, რომის პაპი ფრანცისკე უჩიოდა სუნთქვის გაძნელებას და დღეს ნაშუადღევს ის გაემგზავრა Policlinico A. Gemelli-ში სამედიცინო შემოწმებისთვის. შედეგმა აჩვენა რესპირატორული ინფექცია (კოვიდის ინფექციის გამოკლებით), რომელიც საჭიროებს შესაბამის თერაპიას“, – ნათქვამია ვატიკანის განცხადებაში.
