ყველა ადამიანს წარსულის ტრავმების, განშორებისა და თუ ემოციური ამბების ერთნაირად გადალახვა და სამუდამოდ დავიწყება არ შეუძლია. ზოგისთვის ეს განსაკუთრებით რთულია და პერიოდული ნოსტალგია მათი ცხოვრების განუყოფელი ნაწილია. თუმცა, ასტროლოგები ასახელებენ ზოდიაქოს 3 ნიშანს, რომელთათვისაც წარსულში დატოვებულ ადამიანებთან და მოვლენებთან განშორება ემოციურად ძალიან რთულია და დიდი დრო სჭირდებათ, რომ აწმყოთი ცხოვრება სრულად შეძლონ:
კირჩხიბი
ზოდიაქოს ამ ნიშნის წარმომადგენლებს მთვარე მართავს, ამიტომაც ისინი განსაკუთრებით ემოციური და მგრძნობიარე ადამიანები არიან. მეტიც, ურთიერთობებში იმდენად მიეჯაჭვებიან ირგვლივმყოფებს, რომ განშორების შემდეგაც კი, დიდი ხნის განმავლობაში, გონებით მათთან არიან. შესანიშნავი მეხსიერება აქვთ და მოგონებები, როგორც წესი, მათთან ერთად ცხოვრობს. კირჩხიბებთან ურთიერთობა ბევრ ადამიანს უყვარს. ისინი ხომ შესანიშნავი მსმენელები, თანაგრძნობის განსაკუთრებული უნარით დაჯილდოებულები არიან. მაგრამ, თვისება, რომ წარსულში დატოვებულ ადამიანებს ბოლომდე დიდი ხნის განმავლობაში ვერ შორდებიან, ეს მათზე ცუდად აისახება და ახალი ეტაპის დაწყებას აფერხებს.
მორიელი
მორიელები საოცრად ემოციური ადამიანები არიან. ისევე, როგორც კირჩხიბებს, მათაც ძალიან დიდი თანაგრძნობისა და ემპათიის უნარი აქვთ. ამიტომაც, იმ ადამიანებს, რომლებსაც ენდობიან, მთლიანად მიეჯაჭვებიან და თუკი ასეთი ურთიერთობა დასრულდება, წარსულთან გამკლავება განსაკუთრებით უჭირთ. მათთვის მოგონებები, ნოსტალგია ძალიან მნიშვნელოვანია. ამიტომაც, ხშირად ხუმრობენ, რომ მორიელი არის სწორედ ის ნიშანი, რომლის პლეილისტშიც მარტივად შეგიძლიათ იპოვოთ 2007 წლის სიმღერა, რომელიც მისთვის გარკვეულ მოგონებებს უკავშირდება..
