ევროკომისიის პრეზიდენტმა ურსულა ფონ დერ ლაიენმა ევროპარლამენტში გამოსვლის დროს განაცხადა, რომ უკრაინის უსაფრთხოებაში ინვესტიციის ჩადება საუკეთესოა ევროპული უსაფრთხოებისთვის.
„ევროპული უსაფრთხოებისთვის საუკეთესო ინვესტიცია უკრაინის უსაფრთხოების უზრუნველყოფაა. ევროპის მიერ [უკრაინის] ფინანსური, პოლიტიკური და სამხედრო მხარდაჭერა უნდა გაგრძელდეს იმდენი ხანი, რამდენიც საჭიროა“, – თქვა მან.
ევროპარლამენტში ხუთშაბათს პლენარული სხდომა იმართება, სადაც ფონ დერ ლაიენს ევროკომისიის პრეზიდენტად მეორე ვადით უნდა უყარონ კენჭი. მანამდე ფონ დერ ლაიენი საკუთარ პროგრამას წარადგენს.
