კიდევ ერთი საზარელი მკვლელობა: შვილმა მამა მოკლა – სად დატრიალდა უბედურება?

კახეთში შვილმა მამა მოკლა. ბრალდებული პოლიციამ ცხელ კვალზე დააკავა. შემთხვევა რამდენიმე საათის წინ, სიღნაღის მუნიციპალიტეტის სოფელ ანაგაში მოხდა.

როგორც ადგილობრივები აცხადებენ, მკვლელობას წინ ურთიერთშელაპარაკება უძღოდა, რა დროსაც ნასვამ მდგომარეობაში მყოფმა შვილმა შუახნის მამას სასიკვდილო ჭრილობები სხეულის სხვადასხვა არეში, ცივი იარაღით მიაყენა.

კაცი ადგილზე გარდაიცვალა. მომხდარზე დაწყებულია გამოძიება.

წყარო: “იმედი ნიუსი”