ყველასათვის საყვარელი სერიალი ბრუნდება – ცნობილია როდის ვიხილავთ ტელეეკრანებზე “ჩემი ცოლის დაქალებს”

ყველასათვის საყვარელი სერიალი „ჩემი ცოლის დაქალები” ფორმულას ეთერში 7 ივლისიდან ბრუნდება.

ეს სერიალისთვის მე 19-ე სეზონი იქნება.

„ჩემი ცოლის დაქალების” მორიგი სეზონის დასრულების შემდეგ, არაერთგზის ისმოდა კითხვა, გაგრძელდებოდა თუ არა სერიალი. 11-წლიანი ისტორიის მქონე პროექტს არსებობის გასაგრძელებლად შესაბამისი ფინანსური რესურსები უნდა მოეძებნა, როგორც ჩანს ეს შეძლეს და უკვე სერიალი ეთერშიც ბრუნდება.

როგორც რამდენიმე კვირის წინ სცენარისტ ქეთი დევდარიანი ამბობდა, სერიალი ზუსტად იქიდან დაიწყება, საიდანც დასრულდა სეზონი.

„ტაფა ჩარტყმული ბაქარით დასრულდა სერიალი და ამითვე დაიწყება ახალი სეზონი” – ქეთი დევდარიანი

წყარო: “დაიჯესტი”