ემანუელ მაკრონმა ხელი მოაწერა კანონს საპენსიო რეფორმის შესახებ

April 15, 10:19
0
139

საფრანგეთის პრეზიდენტმა, ემანუელ მაკრონმა ხელი მოაწერა კანონს საპენსიო რეფორმის შესახებ. ამის შესახებ Agence France-Presse იტყობინება.

გამოცემის ცნობით, კანონი უკვე გამოქვეყნდა ოფიციალურ ჟურნალში, რაც ავტომატურად დოკუმენტის ამოქმედებას ნიშნავს.

მანამდე კანონი დაამტკიცა საფრანგეთის საკონსტიტუციო საბჭომაც, რასაც მოქალაქეების უკმაყოფილება მოჰყვა. საპროტესტო აქციაზე მომინტიგეებსა და პოლიციას შორის შეტაკებები მოხდა, სამართალდამცველებმა ცრემლმდენი გაზი გამოიყენეს.

17 მარტს, საფრანგეთის მთავრობამ საპენსიო ასაკის გაზრდის შესახებ სადავო კანონი ეროვნულ ასამბლეაში კენჭისყრის გარეშე მიიღო, რამაც ქვეყნის მასშტაბით მასობრივი პროტესტი და გაფიცვები გამოიწვია – საფრანგეთში საპენსიო ასაკი 62-დან 64 წლამდე უნდა გაიზარდოს, ხოლო ამისთვის საჭირო სამუშაო სტაჟი კი 41.5 წლიდან 43 წლამდეა.

Cesko