“მიმიფურთხებია მე თქვენი ნეოლიბერალური კულტურისთვის: რა კერპები და ღმერთებიც გყავთ, ზუსტად იმ მასშტაბის კულტურა შექმენით ბოლო 30 წლის განმავლობაში” – ზვიად ავალიანი

January 24, 12:58
0
2361

„იცით რას გეტყვით ბატონებო? მიმიფურთხებია მე თქვენი ნეოლიბერალური კულტურისთვის. ბოლოს და ბოლოს, რა კერპები და ღმერთებიც გყავთ, ზუსტად იმ მასშტაბის კულტურა შექმენით ბოლო 30 წლის განმავლობაში“, – ამ სიტყვებით ეხმაურება ჟურნალისტი ზვიად ავალიანი ფილოლოგ ლევან ბერძენიშვილისთვის შეურაცხყოფის მიყენების ფაქტს, რა დროსაც „პოსტივის“ ჟურნალისტმა ბერძენიშვილს არაკაცი უწოდა.

როგორც ავალიანი აღნიშნავს, საქართველოს მოქალაქის პრეზერვატივზე გამოსახვა თურმე გამოხატვის თავისუფლებაში ჯდება, მაგრამ ლევან ბერძენიშვილს თურმე არავინ შეიძლება უთხრას ის, რასაც მასზე საქართველოს მოსახლეობის უმრავლესობა ფიქრობს.

„ესე იგი რა ხდება ახლა: ლევან ბერძენიშვილს თურმე აქვს უფლება გალანძღოს ყველა და ყველაფერი, შეგვიგინოს მკვდარი და ცოცხალი, მოღალატეებად და აგენტებად გამოაცხადოს არა მხოლოდ ისტორიული ფიგურები, არამედ ამჟამად მცხოვრები ადამიანებიც (მაგალითად, კათალიკოს-პატრიარქი ილია) მაგრამ თავად ლევან ბერძენიშვილის გალანძღვა თურმე უკულტურობაა. ჰოდა იცით რას გეტყვით ბატონებო? მიმიფურთხებია მე თქვენი ნეოლიბერალური კულტურისთვის. ბოლოს და ბოლოს, რა კერპები და ღმერთებიც გყავთ, ზუსტად იმ მასშტაბის კულტურა შექმენით ბოლო 30 წლის განმავლობაში. ჰოდა კიდევ, ორჯერ მიმიფურთხებია მე თქვენი ორმაგი სტანდარტებისთვის, სადაც საქართველოს მოქალაქის პრეზერვატივზე გამოსახვა თურმე გამოხატვის თავისუფლებაში ჯდება, მაგრამ ლევან ბერძენიშვილს თურმე არავინ შეიძლება უთხრას ის, რასაც მასზე საქართველოს მოსახლეობის უმრავლესობა ფიქრობს წადით ახლა და მიჩივლეთ სტრასბურგში“, – წერს ზვიად ავალიანი.

ცნობისთვის, ბოლო რამდენიმე თვის განმავლობაში ფილოლოგი ლევან ბერძენიშვილი მის მიერ ერეკლე მეფის შესახებ გაკეთებული განცხადებების გამო საზოგადოებისგან დიდ კრიტიკას იღებს.

რამდენიმე დღის წინ მას კახეთში მოქალაქეებმა საჯარო ლექციის ჩატარების საშუალება არ მისცეს, ახლახან კი „პოსტივისის“ ჟურნალისტმა სოციალურ ქსელში ვიდეო ატვირთა, სადაც იგი „საქართველოს სახელით“ ლევან ბერძენიშვილს არაკაცს უწოდებს.

ბოლოდროინდელ გახშირებულ კრიტიკას ლევან ბერძენიშვილი Pia.ge-სთან საუბრისას გამოეხმაურა და განაცხადა, რომ მას ადამიანები შეურაცხყოფას მთავრობის დავალებით აყენებენ.

Cesko