29 Views
თურქული მხარის განცხადებით, სირიაში ეჭვმიტანილმა ქურთმა „ბოევიკებმა“ თურქეთის საზღვარზე რაკეტები გაუშვეს, რის შედეგადაც სულ მცირე ორი ადამიანი დაიღუპა და 10 დაიჭრა.
„ერთ-ერთი რაკეტა გაზიანთეპში, ქალაქ კარკამისის სკოლასთან ჩამოვარდა და 22 წლის მასწავლებელი დაიღუპა“, – განაცხადა თურქეთის შინაგან საქმეთა მინისტრმა სულეიმან სოილუმ.
მისივე ინფორმაციით, ასევე დაღუპულია 5 წლის ბავშვი. მინისტრის თქმით, რეგიონში სკოლები დაიხურა.
„თურქეთი თავდასხმებს უპასუხებს ყველაზე ძლიერი გზით“, – დასძინა მან.
„მოღალატეები, რომლებიც აგრძელებენ თავდასხმებს უდანაშაულო მშვიდობიანი მოსახლეობის წინააღმდეგ და თავს ესხმიან სკოლებს, პასუხს აგებენ თავიანთ ქმედებებზე“, – ნათქვამია თურქეთის საგარეო უწყების განცხადებაში.
