ბენზინი კიდევ გაიაფდება – როდიდან და რამდენად მნიშვნელოვანი ცვლილებაა მოსალოდნელი

November 11, 14:24
0
405

„ვისოლის” გენერალური დირექტორი ვასილ ხორავას პროგნოზით, 1-2-კვირიან პერიოდში ბენზინზე ფასები 5-10 თეთრით კიდევ შემცირდება.

როგორც თავად ამბობს, საერთაშორისო ბაზარზე საწვავის ცვალებადი ფასების მიუხედავად, ამ ეტაპზე არსებული ნაშთები ღირებულების დაკორექტორების საშუალებას შემცირების მიმართულებით იძლევა.

რაც შეეხება დიზელს, მისი გაიაფება არ იგეგმება.

„1-ელი აგვისტოდან დღემდე, დაახლოებით, 80 თეთრით შემცირდა ფასები როგორც ბენზინზე, ისე – დიზელზე. წინა კვირაშიც 5 თეთრით შევამცირეთ ბენზინის ფასი. რაც შეეხება მოკლევადიან პერსპექტივას, გაზრდას არ ვფიქრობთ; არსებული ნაშთები იძლევა იმის საშუალებას, რომ ფასები მცირედით კიდევ დავაკორექტიროთ, შემცირების მიმართულებით. ვგულისხმობ, 1-2 კვირიან პერიოდში ბენზინის 5-10 თეთრით გაიაფებას.

დიზელის ფასს რაც შეეხება, საერთაშორისო ბაზარზე მაღალი ფასები ნარჩუნდება, რაც გაიაფების საშუალებას არ გვაძლებს”, – განაცხადა ხორავამ „ბიზნეს მედიასთან”.

Cesko