“ბავშვი გარდამეცვალა და მეუღლეც საფრთხის წინაშე იყო, შეიძლებოდა ისიც გარდაცვლილიყო” – მამა შალვა კეკელიას ოჯახის უცნობი ტრაგედია

November 2, 10:22
0
193

მამა შალვა კეკელია საკუთარი ოჯახის ტრაგედიას იხსენებს და აცხადებს, რომ მას შვილი გარდაეცვალა. როგორც სასულიერო პირი გადაცემაში „ღამის პრაიმ თაიმი“ აცხადებს, საქმიანობიდან გამმდინარე, მას ხშირად ოჯახისთვის დრო არ რჩებოდა.


„ალბათ რთული მეუღლეა მამა შალვა. არასოდეს დრო არ აქვს ოჯახისთვის, სასულიერო პირები განსაკუთრებით ვდგავართ ამ რეალობის წინაშე. ძალიან ხშირად სასულიერო პირებს დილით ადრე გვიწევს გასვლა და საღამოს, ძალიან გვიან მოსვლა.

ბოლო წლებში ბევრ რამეზე დავფიქრდი განსაკუთრებულად და მეც შევიცვალე. არ შეიძლება მხოლოდ ერთ თემაზე იყო ორიენტირებული და მეუღლე, შვილები გამოგრჩეს. მე ძალიან ბევრჯერ გამომრჩენია ეს ყველაფერი, მეუღლესთან ურთიერთობაც გამომრჩენია…

მე როცა ჯვარი დავიწერე აღქმა დავდე ღვთის წინაშე, რომ ჩემს მეუღლეზე და შვილებზე ვიზრუნებდი“, – თქვა მამა შალვამ.

როდის მიხვდით, რომ შვილებს და მეუღლეს ყურადღებას აკლებდით, რამე კონკრეტულ ფაქტს უკავშირდება?

„დიახ, ჩემი მეოთხე შვილის გარდაცვალებას და მეუღლეც მძიმე მდგომარეობაში იყო. მეოთხე საკეისრო იყო, ძალიან რთულად იყო, ბავშვი გარდამეცვალა და მეუღლეც საფრთხის წინაშე იყო, რომ შეიძლებოდა ისიც გარდაცვლილიყო. მაშინ განსაკუთრებულად დავფიქრდი ამაზე, უცებ შეიძლება ეს ყველაფერი ხელიდან გამოგეცალოს…“, – ამბობს მამა შალვა კეკელია.

წყარო: primetime.ge

Cesko