„ეს არის შავი მაგიის ღამე“ – მიხეილ ცაგარელი გვირჩევს, ამაღამ ფრთხილად ვიყოთ

ჰელოუინთან დაკავშირებით, მიხეილ ცაგარელი ასტროლოგიით დაინტერესებულ პირებს აფრთხილებს და შემდეგ რეკომენდაციას აძლევს

„31 ოქტომბერს ჰელოუინი გვაქვს, მაქსიმალურად ყურადღებით იყავით. ეს არის ჯადოქრების, შავი მაგიის ღამე. ამ შემთხვევაში ხდება უარყოფითი ენერგიების აკუმულაცია, კარგი იქნება, თუ 31-ში გავწმენდთ სახლს: სანთლით შემოიარეთ საათის ისრის საწინააღმდეგოდ თქვენი სახლის ოთახები და ჩაატარეთ ლოცვა, რათა მოხდეს უარყოფითი ენერგიების გაწმენდა და აქედან გამომდინარე, ეს იქნება საუკეთესო დაცვა თქვენი ოჯახებისა და სახლისა იმ უარყოფითი ძალებისა და ენერგიებისგან, რომელიც გაძლიერებული იქნება სწორედ 31 ოქტომბერს“ – აცხადებს ცაგარელი „ჰოროსკოპთან“.