“რატომ ხართ ჩუმად?! იმიტომ, რომ “მთავარი არხის” ჟურნალისტია?!…ამ ქვეყანაში ქალის უფლებების დაცვაც შერჩევითია” – ნათია ბერიძე ლაშა ნაკაიძის საქმეზე

August 19, 12:23
0
747

ჟურნალისტი, ნათია ბერიძე “მთავარი არხის” ყოფილი ტელეწამყვანის, ლაშა ნაკაიძის საქმეს სოციალურ ქსელში ეხმაურება და ქალთა უფლებადამცველებს მიმართავს:

“ახლა უცებ ის საქმე გამახსენდა, თბილისის საკრებულოს წევრს, ილია ჯიშკარიანს რომ ბრალს სდებდნენ თანამშრომლის მიმართ სექსუალურ ძალადობაში, მარიამ კუბლაშვილი იცავდა, საბოლოოდ ჯიშკარიანი სულ ახლახანს გამართლდა და აღმოჩნდა რომ ის გოგონა ცილს
სწამედა, მაგრამ ახლა სხვა რამე მინდა ვთქვა, მარიამი მაშინ ყველა არასამთავრობო ორგანიზაციის, ქალთა უფლება დამცველების და მთელი ნაცხროვის ბულინგის მახვერპლი მხოლოდ იმიტომ გახდა რომ თავისი “კლიენტის” უდანაშაულობის სჯეროდა და მას იცავდა.

დღეს, ლაშა ნაკაიძის საქმეზე სადაც გამოძიება პირდაპირ ამბობს, რომ მოტეხილობა, მჩხვლეტავი საგნითა და პისტოლეტით სიცოცხლის მოსპობის
მუქარა და დაზიანებები, გაუპატიურება, წამება.. იკვეთება, ადამიანები წერენ, რომ ნაკაიძეს “ჩაუდეს” უდანაშაულოა და რომ ამაში გოგონაა დამნაშავე ვინც “სახლში აყვა” !!!

ადვოკატი აქეთ არის ჟურნალისტების მიმართ აგრესიული, ქალი, რომელსაც საქმეში მილიონი მტკიცებულება უდევს და გირაოს სახით 1000 ლარს ითხოვდს!!!
ვუსმინე ბაია პატარაიას რომელიც ჯიშკარიანის საქმეზე სახეს იხოკავდა და ამბობდა, რომ ჯიშკარიანი აპრიორი დამნაშავე იყო იმიტომ რომ დეპუტატია, მახსოვს საზოგადოების ის წევრები ვინც მარიამს უშვერი სიტყვებით ლანძღავდა, მახსოვს ის ენჯეოები და აქტივისტები ვინც ჯიშკარიანისა და მისი ადვოკატის მიმართ აგრესიულები იყვნენ და ამუნათებდნენ მარიამს იმის გამო რომ “ქალზე მოძალადეს” იცავდა.

ახლა სად ხართ ის აქტივისტები?! ის ენჯეოები?! ის ფემინისტები?! ის კლავიატურის ლომები?! რატომ
ხართ ჩუმად?! გამოძიება გეუბნებათ რომ მტკიცებულებები ცხადყოფს დანაშაულს, თქვენ ამ დროს წყალი რატომ გაქვთ ჩაგუბებული პირში?! იმიტომ რომ
მთავარი არხის ჟურნალისტია?! იმიტომ რომ ის ადვოკატი მთავარი არხის ჟურნალისტს იცავს?! სად ჯანდაბაში ხართ თქვენი ორმაგი სტანდარტებით მაშინ, როცა ხმას უნდა იღებდეთ, რატომ არის რომ ამ ქვეყანაში ქალის უფლებების დაცვაც შერჩევითია და თუ საქმე იმას ეხება ვინც თქვენ პოლიტიკური “მრწამსით” არ მოგწონთ, მიწასთან ასწორებთ, ივიწყებთ უდანაშაულობის პრეზუმფციას, ”ფემინისტები” ლანძღავთ და ამუნათებთ ქალ ადვოკატს და როცა საქმე იმას ეხება ვინც პოლიტიკურად “გულს გითბობთ” მაშინ დუმხართ, მის დანაშაულს რომელიც თვალწინ გაქვთ თვალს არ უსწორებთ, ჩუმდებით და მარტოს ტოვებთ მსხვერპლ ქალს, რომელსაც ახლა ყველაზე მეტად საზოგადოების და გარშემომყოფების მხარდაჭერა სჭირდება!

სად ჯანდაბაში ხართ! სად?! თქვენნაირების გამო არასოდეს შემცირდება ქალზე ძალადობა, თქვენნაირების გამო იქნებიან მსხვერპლი ქალები სულ, იმიტომ რომ ვინც თქვენ არ მოგწონთ მოძალადისა და მისი გამამართლებლების კლანჭებში ტოვებთ მარტო, მათ უგდებთ საჯიჯგნად! თქვენნაირების გამოა ამ ქვეყანაში ფემიციდი! შერჩებით რომ შეგიძლიათ ქალის ”დაცვა”!”, – წერს ბერიძე.

შეგახსენებთ, ლაშა ნაკაიძეს სასამართლომ წინასწარი პატიმრობა შეუფარდა. მას პროკურატურა ოჯახის წევრის მიმართ გენდერის ნიშნით შეუწყნარებლობის მოტივით გაუპატიურებას, ძალადობას და სიცოცხლის მოსპობის მუქარას ედავება.

Cesko