საჯარო მმართველობის დოქტორის, თამთა მეგრელიშვილის თქმით, პრეზიდენტი, სალომე ზურაბიშვილი 7 აგვისტოს ავიდა გმირების საფლავზე, როცა, სააკაშვილმაც კი, ომის დაწყების თარიღად 8 აგვისტო გამოაცხადა.
“სალომე ზურაბიშვილმა, რომელიც ახლა თავიდან ბოლომდე „ნაციონალური მოძრაობის“ ნარატივზეა გადასული, ისიც კი იკადრა, რომ 7 აგვისტოს ავიდა გმირების საფლავზე, როცა, სააკაშვილმაც კი, ომის დაწყების თარიღად 8 აგვისტო გამოაცხადა… უკადრებელი იკადრა და 7 აგვისტოს ავიდა გმირების საფლავზე, ამით „ნაცმოძრაობას“ „უპრავებს“ თავის უმძიმეს დანაშაულს… ალბათ, აღარ ახსოვს, რომ 2014 წელს, დღევანდელ მოკავშირედ ქცეული ოპოზიციის ოპოზიციაში იყო და სააკაშვილზე წერდა, რომ საკუთარ მოქალაქეებს გაუხსნა ცეცხლი. არქივი ნამდვილად არ იწვის და, მისგან განსხვავებით, ხალხს მოკლე მეხსიერება არ აქვს. ქალბატონო სალომე, ჩამოყალიბდი, თუ 2014 წელს სააკაშვილმა თავის მოქალაქეებს გაუხსნა ცეცხლი და იქ რუსები არ ყოფილან, მაშინ რატომ ახვედი დღეს საფლავზე? გვიპასუხე, რატომ 7 და არა 8? დღეს, 7-ში რატომ ახვედი? ეტყობა, დაგავიწყდა, რას წერდი. მე შეგახსენებ, აგერ არის სქრინი… იქნებ, დაფიქრდე, სად და ვისთან დგახარ?”, – წერს მეგრელიშვილი. 2008 წლის აგვისტოს 5-დღიანი ომიდან 14 წელი გავიდა. რუსეთ-საქართველოს ომი 7 აგვისტოს დაიწყო. რუსული საოკუპაციო ძალების სამხედრო ინტერვენციას 228 მშვიდობიანი მოქალაქე, 170 სამხედრო და 14 პოლიციელი ემსხვერპლა, ხოლო საქართველოს 2 232 მოქალაქე დაიჭრა და დაშავდა; რუსული აგრესიის შედეგად, საქართველოს ტერიტორიაზე 263 598-მდე გაიზარდა დევნილთა რაოდენობა; საქართველომ კონტროლი დაკარგა 151 დასახლებულ პუნქტზე.
2008 წლის 26 აგვისტოს რუსეთმა სამხრეთ ოსეთისა და აფხაზეთის ე.წ. რესპუბლოკების დამოუკიდებლობა ცნო და მათი ოკუპაცია განახორციელა. რუსეთი დღემდე აკონტროლებს საქართველოს ამ ტერიტორიებს.
საოკუპაციო რეჟიმის მიერ ე.წ. მცოცავი ოკუპაცია დღემდე გრძელდებეა. საოკუპაციო ძალები აგრძელებენ საქართველოს ხელისუფლების მიერ კონტროლირებად ტერიტორიების მიტაცებას და საოკუპაციო ხაზთან მცხოვრები ადამიანების გატაცებას. საერთაშორისო სამართლის უგულვებელყოფით რუსეთი კვლავ აგრძელებს სუვერენული და დამოუკიდებელი სახელმწიფოს რეგიონების უკანონო ოკუპაცი
