საჯარო სკოლებში სწავლა 15 სექტემბრიდან უნდა განახლდეს და რაც უფრო ცოტა დრო რჩება, მშობლებს აწუხებთ შეკითხვა, რა ფორმატში განახლდება და ექნებათ თუ არა ისევ ონლაინსწავლების არჩევის უფლება. შეკითხვით განათლებისა და მეცნიერების სამინისტროს Mshoblebi.ge-მ მიმართა:
“როგორც კი კონკრეტულ გადაწყვეტილებას მივიღებთ, ინფორმაცია სამინისტროს გვერდზე აუცილებლად გამოქვეყნდება. აღნიშნულ საკითხზე ახლა მუშაობა მიმდინარეობს, ყველა მხარე ჩართულია, მათ შორის, ჯანდაცვის სამინისტროც და შესაბამისი გადაწყვეტილების შესახებ ყველას დროულად ეცნობება”, – განაცხადეს სამინისტროში.
შეგახსენებთ, რომ წინა წელს, კორონავირუსის გაზრდილი მაჩვენებლისა და ეპიდემიოლოგიური მდგომარეობის გათვალისწინებით, მშობლებს ჰქონდათ არჩევანის უფლება,შვილები სკოლაში გაეშვათ თუ ონლაინ ფორმატი გამოეყენებინათ.
წყარო : Mshoblebi.ge
