-„ხაზს ვუსვამ, ორ ქვეყანას შორის ურთიერთობას ალაგებს შეთანხმება უსაფრთხოებაზე. არავითარი ეკონომიკა, არავითარი კულტურული ურთიერთობები, არავითარი რელიგიური თანხვედრა… ეს ყველაფერი არის ლირიკა. მხოლოდ უსაფრთხოების გარანტიები წყვეტს ქვეყნებს შორის ურთიერთობების ავკარგიანობას.
დამოუკიდებელ ქართულ სახელმწიფოს დღეს აქვს იმის რესურსი, რომ მისგან საფრთხე არ ემუქრებოდეს, არა მარტო რუსეთს, არამედ ყველა მის მეზობელ ქვეყანას. დღეს ჩვენი ტერიტორიის სტრატეგიული მნიშვნელობიდან გამომდინარე, რუსეთი საფრთხეს გრძნობს. მაგრამ ჩვენ შეგვიძლია, მივცეთ რუსეთს უსაფრთხოების გარანტიები და ანალოგიურად მივიღოთ მათგან…“, – განაცხადა დემურ გიორხელიძემ „ალტ ინფოს“ ეთერში.
