“ჩვენ არ გვინახავს არცერთი დოკუმენტი და ბიძინას გეფიცებითო, მაგას დავუჯეროთ?!” – გია ხუხაშვილი

April 6, 23:18
0
407

“ეს დესანტი რუსეთმა რისთვის გადმოსხა საქართველოში, რას ფიქრობთ? ყველას არ ვგულისხმობ, იქ წესიერი ხალხიც არის, მაგრამ ძალიან ბევრი ჩამოვიდა იმისათვის, რომ პლაცდარმი გააკეთონ აქ რუხი და შავი სქემების დასალაგებლად და სანქციების გვერდის ასავლელად”, – ამის შესახებ პოლიტოლოგმა გია ხუხაშვილმა “მთავარი არხის” ეთერში განაცხადა.

“ეს დესანტი რუსეთმა რისთვის გადმოსხა საქართველოში, რას ფიქრობთ? ყველას არ ვგულისხმობ, იქ წესიერი ხალხიც არის, მაგრამ ძალიან ბევრი ჩამოვიდა იმისათვის, რომ პლაცდარმი გააკეთონ აქ რუხი და შავი სქემების დასალაგებლად და სანქციების გვერდის ასავლელად. ეს ყველაფერი ხდება, ჩვენ არ გვინახავს არცერთი დოკუმენტი, არცერთი ნორმატიული აქტი, რომელიც ამას შეეხებოდა. ხელისუფლების ზეპირ განცხადებებს უნდა დავუჯეროთ? – დედას გეფიცები და “ოცნება”-ბიძინას გეფიცებით უნდა დავუჯეროთ?!

ეს რწმენა-არრწმენის საკითხი არ არის. აშშ-ის დაზვერვას, მათ შორის ამ ომთან დაკავშირებითაც აქვს უამრავი განცხადება გაკეთებული და არცერთხელ წყარო არ დაუსახელებიათ. მხოლოდ რუსები ითხოვენ მათგან – “აბა, დამიმტკიცე ძმაო”. “ფეესბესა” და “გეერუში” რამდენი აგენტი ჰყავთ ამერიკელებს, სულ უნდა გადაუშალონ?! ეგენი არიან და ეგენი მაწვდიან ინფორმაციასო?! “ცეერუს” რომ ჩვენ სპეცსამსახურებში აგენტურა ჰყავთ, იმათ რა ქნან? – მივიდნენ და გომელაურს ჩაუყაჭონ, ვინ აწვდის ინფორმაციას, რა ხდება სუს-ში?!” – განაცხადა გია ხუხაშვილმა.

ცნობისთვის, უკრაინის თავდაცვის სამინისტროს დაზვერვის სამსახურმა რამდენიმე დღის წინ განაცხადა: „საერთაშორისო სანქციების დაწესების გამო, რუსეთის ფედერაცია მოკლებულია სამხედრო, ორმაგი დანიშნულებისა და სამოქალაქო საქონლის მიწოდების შესაძლებლობას. სანქციების გვერდის ავლის მიზნით, რუსი აგენტები აყალიბებენ კონტრაბანდის არხებს, რომლებიც გადის კერძოდ საქართველოს ტერიტორიაზე. ამასთან, ქართული სპეცსამსახურების წარმომადგენლებმა მიიღეს მითითებები პოლიტიკური ხელმძღვანელობისგან, არ ჩარეულიყვნენ კონტრაბანდისტების საქმიანობაში“.

ამასთან, უკრაინის საგარეო საქმეთა მინისტრმა დმიტრო კულებამ გუშინ აღნიშნა, რომ უკრაინა საქართველოსგან ელოდება მტკიცებულებებს, რომ არ ეხმარება რუსეთს სანქციებისთვის გვერდის ავლაში.

Cesko