საგარეჯოში, ქმრის მიერ მოკლული 14 წლის გოგონას, აიტაჯ შაჰმაროვას საქმეზე ბრალდებულთა წრე, შესაძლოა, გაფართოვდეს.
„რუსთავი 2“-ის მიერ გავრცელებული ინფორმაციის თანახმად, გამოძიება დაინტერესებულია მკვლელობაში ბრალდებულის დისა და ბიცოლის პიროვნებით, რომლებმაც არსებული ცნობით, იცოდნენ იძულებითი ქორწინების შესახებ.
„ვერ გამოვრიცხავ, რომ ბრალდებულთა წრე გაიზარდოს.. ჩვენი მიდგომა უმკაცრესი იქნება“, – განაცხადა გენერალურმა პროკურორმა, ირაკლი შოთაძემ აღნიშნულ საქმეზე.
„რუსთავი 2“ – თან კომენტარი გააკეთა აიტაჯის დედის ადვოკატმა, ალი ბადიროვმა.
„დანაშაულის შეუტყობინებლობის ნაწილში დას ვერ წაუყენებენ ბრალს, რადგან ახლო ნათესავია, მაგრამ ბიცოლა იმის გამო, რომ ახლო ნათესავად არ ითვლება და მასაც იურიდიულად ევალებოდა საგამოძიებო ორგანოებისთვის შეეტყობინებინა, შესაძლებელია, მისი პასუხისმგებლობა დადგეს“, – აღნიშნა მან.
შეგახსენებთ, ამ საქმეზე აიტაჯის დედა და ბიძა არიან დაკავებულები.
სხვა ახალი ამბები:
როგორ უნდა მოიქცეთ, როდესაც ოჯახში ვიღაც ავად არის – ილია მეორის დარიგება
VIDEO: შემაშფოთებელი კადრები -ლუდსახარშის თანამშრომელი ავზში შარდავს (უცხოეთი)
გაბოროტებული ლაშა ბუღაძე ამჯერად “ქართული ოცნების” ლიდერების შვილებს შეეხო
