ნატოს გენერალურმა მდივანმა იენს სტოლტენბერგმა რუსეთთან ურთიერთობის ნორმალიზება გამორიცხა და განაცხადა, რომ რუსეთთან ურთიერთობებში უკან დასაბრუნებელი გზა არ არსებობს, – ამის შესახებ ნატოს გენერალურმა მდივანმა, იენს სტოლტენბერგმა ჰელსინკიში SAMAK-ის ჩრდილოეთის სამიტზე განაცხადა.
„ცივი ომის დასრულებისას ამ დარბაზში ბევრ დამსწრეს სჯეროდა, რომ რუსეთთან უკეთესი ურთიერთობების აწყობას შევძლებდით. ისევე, როგორც მე. და დღემდე ვთქვი, რომ რუსეთთან ერთად ევროპაში უკეთესი უსაფრთხოების ასაწყობად ისტორიული მომენტის გამოყენება სწორი გადაწყვეტილება იყო“, – აღნიშნა სტოლტენბერგმა.
მან აღნიშნა, რომ ამის ნაცვლად რუსეთის პრეზიდენტმა ვლადიმირ პუტინმა გადაწყვიტა დაშორებოდა თანამშრომლობასა და დიალოგს და მეზობელ ქვეყნებზე თავდასხმით გლობალური უსაფრთხოების ფუძემდებელი პრინციპები დაარღვია.
„ამიტომ უნდა ვაღიაროთ, რომ ამ ომის დასრულებით რუსეთთან ნორმალური ურთიერთობებისადმი დაბრუნება არ იქნება. უკან დასაბრუნებელი გზა არ არსებობს“, – დასძინა ნატოს გენერალურმა მდივანმა.
