ეს სტატია არის რაღაც უჩვეულო, რაღაც ახალი ჩემთვისაც და დარწმუნებული ვარ მკითხველისთვისაც ასე იქნება. ქვემოთ თქვენ იხილავთ დაახლოებით XIX-XX საუკუნეში გადაღებულ ფოტოებს. ფოტოები ერთი შეხედვით ჩვეულებრივია და მასში არაფერი განსაკუთრებული არ არის, თუმცა თუ კარგად დააკვირდებით, ნამდვილად გაოცდებით, ვინაიდან ის რაც ფოტოებზეა აღბეჭდილი რთულად დასაჯერებელია. საქმე იმაშია, რომ სურათებზე, რომელსაც თქვენ იხილავთ არც მეტი არც ნაკლები გარდაცვლილი ადამიანები არიან გამოსახულნი. საქმე იმაში გახლავთ, რომ ვიქტორიანულ პერიოდში გავრცელებული იყო მსგავსი ჩვეულება, რომ როდესაც ოჯახში ვინმე იღუპებოდა, გულნატკენი ოჯახის წევრები მას სურათს უღებდნენ. ერთ-ერთი რაც ამ ფოტოებში აღმოვაჩინე არის ის, რომ მათზე გარდაცვლილთა უმეტესობა ბავშვია. გაფრთხილებთ, რომ ეს პათანატომიური ფოტომასალა თქვენზე დიდ შთაბეჭდილებას მოახდენს, ამიტომ თუკი სუსტი ნერვები გაქვთ, თავი შეიკავეთ მათი ნახვისგან.
2. სხვა ფოტოები ბევრად უფრო შემაძრწუნებელი გამოდგა. მაგალითად ასეთია ეს ფოტო, რომელზეც დედას თავისი გარდაცვლილი ქალიშვილის ხელი უჭირავს.
3. და კიდევ უფრო მეტად ტრაგიკულია ეს ფოტო, რომელზეც აღბეჭდილია წყვილი, რომელსაც ჩვილი ბავშვი დაეღუპა.
4. იმ პერიოდში გარდაცვლილ ბავშვებს ფოტოებს ისეთ გარემოში უღებდნენ და გარშემო ისეთ ნივთებს და საგნებს უწყობდნენ, რითიც ის სიცოცხლეში თავს ირთობდა და ის რაც უყვარდა. ამის მაგალითი კი შემდეგი ფოტოა.
5. ხშირად ფოტოებში ცოცხალი ოჯახის წევრები ცდილობდნენ ეჩვენებინათ თუ როგორ უყვარდათ დაკარგული საყვარელი ადამიანი.
7. ფოტოებში გამოსახული ცხედრები ძირითადად დაწოლილ ან დამჯდარ მდგომარეობაში გვევლინებოდნენ. თუმცა იყო შემთხვევები, როცა მეტი სიცხადისთვის მათ ფეხზე აყენებდნენ. ასეთ შემთხვევებში დამხმარე იყო საჭირო, რომელიც მას დაიჭერდა. ამის მაგალითია შემდეგი ფოტო გახლავთ, რომელსაც კარგად თუ დააკვირდებით, შეამჩნევთ ხელს ბიჭის თავზე.
8. მაშინ ფოტოგრაფს მით უფრო მეტს უხდიდნენ, რაც უფრო მეტად ექნებოდა გარდაცვლილს ცოცხალი ადამიანის იერი, ამიტომ ისინი გარდაცვლილებს ხელოვნურ გუგებს უმაგრებდნენ.
9. ზოგჯერ კი ფოტოგრაფები ბავშვებს აწვენდნენ და იმის იმიტაციას ქმნიდნენ, თითქოს მათ ეძინათ. 
10. ეს ფოტო კი ნამდვილად შოკისმომგვრელია, ვინაიდან წარმოდგენაც კი რთულია, რომ ფოტოზე გამოსახული გოგონა გარდაცვლილია. 
11. და ბოლოს, არ გეგონოთ, რომ მსგავს ფოტოებს მხოლოდ ადამიანებს უღებდნენ. თქვენ ფიქრობთ, რომ გიყვარდათ თქვენი ძაღლი, რომელიც მოკვდა? ვიქტორიანელებმა ეს სიყვარული სხვა დონეზე აიყვანეს. 
