რუსეთის პრეზიდენტმა ვლადიმერ პუტინმა ჩინელი კოლეგა სი ძინპინი მოსკოვში მიიწვია.
„ჩვენი ურთიერთობები ღირსეულად უძლებს ყველა გამოცდას, აჩვენებს სტაბილურობას და დინამიკაში ფართოვდება. ეს კავშირები საუკეთესოა ისტორიაში, ისინი 21-ე საუკუნეში დიდ სახელმწიფოებს შორის თანამშრომლობის მაგალითია “, – განაცხადა რუსეთის ფედერაციის პრეზიდენტმა.
პუტინმა ხაზი გაუსვა, იმას რომ მომავალ გაზაფხულზე ელოდება ჩინეთის სახალხო რესპუბლიკის პრეზიდენტის სახელმწიფო ვიზიტს მოსკოვში.
„ეს მთელ მსოფლიოს დაანახებს რუსეთ-ჩინეთის კავშირების სიმტკიცეს ძირითად საკითხებში და გახდება წლის მთავარი პოლიტიკური მოვლენა ორმხრივ ურთიერთობებში“, – აღნიშნა რუსეთის პრეზიდენტმა.
გარდა ამისა, პუტინმა განაცხადა, რომ 2022 წლის ბოლომდე რუსეთსა და ჩინეთს შორის სავაჭრო ბრუნვა დაახლოებით 25%-ით გაიზრდება.
მანამდე კი, ჩინეთის საგარეო საქმეთა მინისტრმა ვანგ იიმ განაცხადა, რომ ჩინეთ-რუსეთის ურთიერთობები „მონოლითივით ძლიერია“ და არ იცვლება არასტაბილური საერთაშორისო სიტუაციის მიუხედავად.
ვანგ იიმ, ასევე, აღნიშნა, რომ ორივე სახელმწიფო ახალი ცივი ომის წინააღმდეგია.
