“შევანგრევდი ციხის კარს რომ შემეძლოს, გავიტაცებდი და სადმე, ტიბეტში დავტოვებდი ბუდისტ ბერებთან…” – ვის შესახებ საუბრობს ჩერგოლეიშვილი

ექსპრეზიდენტს, მიხეილ სააკაშვილს სურს, სასამართლო დარბაზიდან მოქალაქეებს უკრაინულად მიმართოს.

„უკრაინის მოქალაქე ვარ”. – ასე უპასუხა მიხეილ სააკაშვილმა მოსამართლეს, რომელმაც მოუწოდა, ქართულად ესაუბრა. სააკაშვილის მიმართვას სხდომაზე თარჯიმანი თარგმნის.

სააკაშვილის პროცესს „ტაბულას“ მფლობელი, თამარ ჩერგოლეიშვილი გამოეხმაურა:

„ქართულ ენასთან გაიბუტა, რადგან საქართველოში მისი ილუზიები რეალობასთან სასტიკად დამარცხდა. ძალიან ძლიერი და ღირსეული ნაბიჯია. ღმერთო, ოღონდ ეს კაცი მოაშორე ქართულ პოლიტიკას და სადმე სხვაგან აცოცხლე – მეტი არაფერი მინდა! მე შევანგრევდი ციხის კარს რომ შემეძლოს, გავიტაცებდი და სადმე, ტიბეტში დავტოვებდი ბუდისტ ბერებთან“,- ამბობს ჩერგოლეიშვილი.