რუსეთის საგარეო საქმეთა სამინისტროს სპიკერმა მარია ზახაროვამ გაეროს გენერალური ასამბლეის 77-ე სესიაზე აშშ-ის პრეზიდენტის ჯო ბაიდენის გამოსვლას უხამსი უწოდა.
„რაც შეეხება შეერთებული შტატების პრეზიდენტის გამოსვლას, აბსოლუტურად უხამსად მიმაჩნია, რითაც ის დაიწყო. ფაქტია, რომ მან დაიწყო ვითომ რუსეთის პრეზიდენტის ციტირებით და რუსეთის პრეზიდენტს მიაწერა სიტყვები, რომ ჩვენი ქვეყანა მსოფლიოს ბირთვული იარაღით ემუქრება“, – განაცხადა ზახაროვამ.
ზახაროვამ აღნიშნა, რომ ასეთი პოზიცია არის „პროპაგანდისტული კავშირი, რომელიც ეწინააღმდეგება იმას, რაც რეალურად ითქვა“.
„ზუსტად ამ პოზიციას, სამწუხაროდ, ახლა ისევ ავრცელებენ დასავლურ მედიაში. აშშ-ის პრეზიდენტმა კი გააერთიანა ის, რაც ამერიკულ მედიაში იშლება“, – დასძინა სპიკერმა.
ცნობისთვის, ჯო ბაიდენმა განაცხადა, რომ რუსეთის პრეზიდენტი ევროპას ბირთვული იარაღის გამოყენებით ღიად დაემუქრა. სინამდვილეში, ვლადიმირ პუტინმა ბირთვული იარაღის გამოყენება, მხოლოდ ერთ-ერთ საპასუხო ზომად მოიხსენია და არავის დამუქრებია.
