,,ადამიანებო, ეს რა ვნახე… ტელევიზიით რომ ვუყურე, გეფიცებით, ვკიოდი” – ამბობს მსახიობი ზურაბ ყიფშიძე ,,კვირის პალიტრასთან” გუშინ გავრცელებულ კადრებზე, სადაც პოლიციელი მოზარდს სასტიკად სცემს.
-ადამიანის ცემას რომ უყურებ, ისედაც საშინელებაა, მაგრამ ის, რომ იცი, ავად არის, შეზღუდული შესაძლებლობის მქონე ბავშვს თუ კაცს ასე გამეტებით ურტყამენ, საერთოდ ჭკუიდან გადახვალ…
თუმცა ამდენად დიდი აჟიოტაჟი რომ გამოიწვია, ამაზეც გაკვირვებული ვარ… ეს ცემა-ტყეპა არაფერია იმასთან შედარებით, ისეთი ცემა იციან და იცოდნენ ყოველთვის პოლიციაში. კომუნისტების დროს რომ იყო და მერეც, მიხეილ სააკაშვილმა, საერთოდ ,,ხელოვნებად” აქცია….
ერთხელ, გრიბოედოვის ძეგლთან ვისხედით [ახალგაზრდობაში], დაგვიჭირეს და პოლიციაში ჯერ გვცემეს, მერე ცხვირსახოცებით მიგვაბეს საწოლებზე, გვახრჩობდნენ.
ასეა, პოლიციაში თუ აღმოჩნდები, ცემა არ აგცდება… გაჭირვების გამო შეიძლება ადამიანმა რამე დანაშაული ჩაიდინოს, დაიჭირე, პასუხი მოთხოვე, მაგრამ – ასე მოექცე?! ტელევიზიით რომ ვუყურე, გეფიცებით, ვკიოდი, – ამბობს მსახიობი ,,კვირის პალიტრასთან”
კვირის პალიტრა
