იპოდრომის ტერიტორიის ერთ-ერთი მეწილე მის საკუთრებაში არსებულ ტერიტორიაზე “პრაიდ-ფესტივალის” ჩატარებას არ თანხმდება! – ე.წ. ფესტივალი აღარ გაიმართება? რა ინფორმაცია გავრცელდა რამდენიმე წუთის წინ?

July 8, 07:42
0
3504

იპოდრომის ტერიტორიის ერთ-ერთი მეწილე, მაია ტაბაღუა, LGBTQ+ ფესტივალთან დაკავშირებით, სოციალურ ქსელში მიმართვას ავრცელებს.

როგორც ტაბაღუა წერს, უსაფრთხოების დაცვის გეგმების არსებობის მიუხედავად, არსებობს ადამიანების სიცოცხლისა და ჯანმრთელობისთვის საფრთხის შექმნის რისკები. შესაბამისად, მის საკუთრებაში არსებულ ტერიტორიაზე ფესტივალის ჩატარებას არ თანხმდება.

მივმართავ ფესტივალის ორგანიზატორებს, მონაწილეებს, ახალგაზრდებს , სტუმრებს და ძალოვან სტრუქტურებს, იპოდრომის ტერიტორიაზე მოცემული ფესტივალის ფარგლებში მუსიკალური ღონისძიების ჩატარების თაობაზე, მიუხედავად თქვენს მიერ წარმოდგენილი უსაფრთხოების დაცვის გეგმებისა, ჩვენ ვხედავთ ძალიან დიდ საფრთხეს, რომელიც მოდის ჯგუფებისგან, რომელთა მოქმედებებზე პასუხისმგებლობას ვერ აიღებს ვერავინ. გასულ წლებში მიღებული მწარე გამოცდილებიდან გამომდინარე, აბსოლიტურად ყველა სიცოცხლეს და ჯანმრთელობას იქნება ეს დამსწრე, მონაწილე, ორგანიზატორი, გარეთ მყოფი, თუ უბრალოდ გამვლელი, ვერ ჩავაყენებთ საფრთხეში. ჩვენ არ გვინდა ირიბად ვიყოთ ,,მასპინძელი” ამ მოსალოდნელი, უკანონო, უსამართლო საფრთხისა, რაც არსებობს. ვერ დავუშვებთ ჩვენს ტერიტორიაზე ადამიანების უზენაესი უფლების სიცოცხლის საფრთხეში ჩაყენებას. ასეთ კრიტიკულ დროს ჩვენი პოზიციის მოწოდება გამოწვეულია ჩვენს მიმართ არაერთი ,,ინფორმაციის” მოწოდებით, რამაც დაგვარწმუნა რომ უსაფრთხოების ზომების მიღების თეორიული შესაძლებლობა სამწუხაროდ არ არსებობს. სამწუხაროდ, ჩვენს ტერიტორიაზე ფესტივალის ჩატარებას ვერ დავთანხმდები.

ვთხოვ, ძალოვან სტრუქტურებს, დაიცვან კერძო საკუთრებაში არსებული ტერიტორია და თითოეული ადამიანის უსაფრთხოება” – დაწერა ტაბაღუამ.

რამდენიმე საათის წინ კი გავრცელდა ინფორმაცია, რომ “პრაიდ-ფესტივალის” გამო ჟორიკა რურუას და მის პარტნიორებს შორის უთანხმოება გაჩნდა.

მივესალმებით შპს „თბილისი იპოდრომ სერვისის” დირექტორის, მაია ტაბაღუას გადაწყვეტილებას, არ დაუთმოს საკუთარი ტერიტორია ე.წ. პრაიდფესტივალის ორგანიზატორებს, – ამის შესახებ ნათქვამია საზოგადოებრივი მოძრაობა „საქართველო უპირველეს ყოვლისა“ განცხადებაში. მათივე თქმით, აღნიშნული არის ერთადერთი გონივრული გადაწყვეტილება.

POSTV-ის ინფორმაციით, პრაიდის კვირეულისთვის დათმობილი ტერიტორიის მეწილე “ნაცმოძრაობის” ერთ-ერთი ლიდერი ჟორიკა რურუაა

„მხარდამჭერებთან ერთად შევიკრიბებით „ლისი ვანდერლენდის” მიმდებარედ, მივესალმებით მაია ტაბაღუას გადაწყვეტილებას, არ დაუთმოს საკუთარი ტერიტორია ე.წ. პრაიდფესტივალს“ – „საქართველო უპირველეს ყოვლისა“

Cesko