„გამოდით ქუჩებში, ჩვენ ვიპოვით იარაღს!“ – პრიგოჟინი რუსეთის მოსახლეობას შეიარაღებული აჯანყებისკენ მოუწოდებს და შოიგუზე ნადირობას აცხადებს

June 24, 07:54
0
1556

კერძო სამხედრო კომპანია „ვაგნერის“ დამფუძნებელმა ევგენი პრიგოჟინმა პარასკევს რუსეთის თავდაცვის სამინისტრო დაადანაშაულა გასამხედროებული დანაყოფის ზურგის განლაგებაზე საარტილერიო და ასევე შვეულმფრენებიდან სარაკეტო დარტყმების განხორციელებაში, რასაც რუსი ბიზნესმენის თქმით „ვაგნერის“ რიგებში დიდი მსხვერპლი მოჰყვა.

ამასთან პრიგოჟინს არ დაუკონკრეტებია ზუსტად სად მოხდა დარტყმები.

პარასკევს საღამოს პრიგოჟინის არხებზე გამოჩნდა “ვაგნერის” მეთაურთა საბჭოს სახელით გავრცელებული განცხადება. მასში პროგოჟინის ხმის მსგავსი ხმა აცხადებს, რომ აპირებს შეაჩეროს “ბოროტება, რომელსაც ქვეყნის სამხედრო ხელმძღვანელობა ატარებს.” პრიგოჟინი მოუწოდებს მებრძოლებს, რომ “არავის არ გაუწიონ წინააღმდეგობა” და პირობას დებს, რომ გაანადგურებს ნებისმიერ საგზაო საგუშაგოს და ნებისმიერ თვითმფრინავს, რომელიც მათ გზაზე გადაეღობებათ.

პრიგოჟინი აცხადებს, რომ მას განკარგულებაში არის 25 ათასი მებრძოლი და ყველა მსურველს, მათ შორის რუსეთის არმიის მებრძოლებს მოუწოდა შეუერთდნენ “ვაგნერს”.

გარდა ამისა, პრიგოჟინმა თქვა, რომ პარასკევს, რუსეთის თავდაცვის მინისტრი სერგეი შოიგუ, სავარაუდოდ, დონის როსტოვში იმყოფებოდა “სპეციალურად ” ვაგნერის” გასანადგურებლად” და იქიდან გაიქცა, რათა მისთვის ახსნა არ მიეცა.

რუსეთის თავდაცვის სამინისტროში აცხადებენ, რომ კომპანია “ვაგნერის” არიერგარდულ ბანაკებზე რუსი სამხედროების თავდასხმის შესახებ პრიგოჟინის სახელით სოციალურ ქსელებში გავრცელებული ყველა მესიჯი და ვიდეომასალა სიმართლეს არ შეესაბამება და საინფორმაციო პროვოკაციაა.

კრემლის პრესმდივანმა დიმიტრი პესკოვმა განაცხადა, რომ პრეზიდენტი ვლადიმერ პუტინი ინფორმირებულია კერძო სამხედრო კომპანია „ვაგნერის“ დამფუძნებლის და რუსეთის თავდაცვის სამინისტროს განცხადებების შესახებ. “მიიღება საჭირო ზომები “, – განუცხადა პესკოვმა ჟურნალისტებს.

რუსეთის „ეფ-ეს-ბემ“ ევგენი პრიგოჟინის წინააღმდეგ შეიარაღებული სისხლის სამართლის საქმე აღძრა აჯანყების მოწოდების ფაქტზე. სპეცსამსახურმა ბიზნესმენს უკანონო ქმედებების შეწყვეტისკენ მოუწოდა.

კერძო სამხედრო კომპანია „ვაგნერი“ არის რუსული არაოფიციალური სამხედრო ქვედანაყოფი, რომელიც მონაწილეობს სახმელეთო ოპერაციებში სირიაში, აფრიკაში და უკრაინასთან ომში. კომპანიის მებრძოლებს ბრალს სდებენ მრავალი სამხედრო დანაშაულის ჩადენაში, მათ შორის სასამართლოს გარეშე სიკვდილით დასჯაში.შარშან ზაფხულში, უკრაინის ტერიტორიაზე რუსეთის არმიის მიერ განცდილი რამდენიმე სამხედრო მარცხის შემდეგ, „ვაგნერმა“ დაიწყო თავის რიგებში პატიმართა გაწვევა და ომში გაგზავნა. ამ პროცესის შედეგად „ვაგნერში“ ათიათასობით მებრძოლი გაიწვიეს.დონეცკის ოლქის ქალაქ ბახმუტისთვის გამართული ბრძოლების ფონზე პრიგოჟინმა არაერთხელ გამოაქვეყნა ვიდეოები, რომლებშიც მწვავედ აკრიტიკებდა რუსეთის თავდაცვის მინისტრ სერგეი შოიგუს და გენერალური შტაბის უფროს ვალერი გერასიმოვს.პრიგოჟინმა ისინი დაადანაშაულა საბრძოლო მასალის ნაკლებობაში, „რუსეთის მიწის“ დათმობაში და პირობა დადო, რომ მანამდე იქნება დაკავებული მათი საქმეების გარკვევით, სანამ „ამ პერსონაჟებს პასუხს აგებინებენ“. თავდაცვის სამინისტრო მსგავს განცხადებებზე კომენტარს არ აკეთებს.

მოს­კოვ­ში, ძა­ლო­ვან უწყე­ბებ­ში მზად­ყოფ­ნა გა­მო­ცხად­და. “ეფესბე” და უსაფრ­თხო­ე­ბის სხვა სამ­სა­ხუ­რე­ბი მზად­ყოფ­ნა­ში არი­ან. “ბიბისის” ცნო­ბით, ამ ინ­ფორ­მა­ცი­ას უდას­ტუ­რებთ წყა­რო სამ­ხედ­რო წრე­ებ­ში, რო­მე­ლიც ასე­ვე მოს­კო­ვის სამ­ხედ­რო გარ­ნი­ზონ­ში გან­გა­შის შე­სა­ხებ იუ­წყე­ბა.

წყა­როს ინ­ფორ­მა­ცი­ით, “ეფეს­ბე” სპე­ცი­ა­ლუ­რი სწრა­ფი რე­ა­გი­რე­ბის რაზ­მე­ბის მხარ­და­ჭე­რით, დო­ნის გზატ­კე­ცილ­ზე სა­გუ­შა­გო­ებს აწყობს. სა­გუ­შა­გო­ებ­ზე მო­რი­გე­ებს ევა­ლე­ბათ საფრ­თხის შემ­თხვე­ვა­ში ცე­ცხლის გახ­სნა. ტექ­ნი­კა მზად­ყოფ­ნა­შია, მაგ­რამ სამ­ხედ­რო და­ნა­ყო­ფებს მისი გაყ­ვა­ნის ბრძა­ნე­ბა ჯერ არ მი­უ­ღი­ათ.

როსტოვის ქუჩებში კი ჯავშანტექნიკა გამოჩნდა. ადგილობრივი გამოცემა 161.ru-ს წყაროების ცნობით, როსტოვის ოლქში გეგმა “ციხესიმაგრე” გამოცხადდა.

„არის ბრძანება სრულ საბრძოლო მზადყოფნაში მოვიყვანოთ შინაგან საქმეთა სამინისტროს, „როსგვარდიის” სრული შემადგენლობა, ასევე გავაძლიეროთ პოსტები “ლუგანსკის სახალხო რესპუბლიკასთან” და “დონეცკის სახალხო რესპუბლიკასთან” საზღვრებზე,” – წერს გამოცემა წყაროებზე დაყრდნობით.

გამოცემა ასევე როსტოვის ქუჩებში ჯავშანტექნიკის ფოტოებს ავრცელებს.

ცნო­ბის­თვის, ცოტა ხნის წინ, სო­ცი­ა­ლურ ქსელ­ში გა­მოქ­ვეყ­ნდა აუ­დი­ო­ჩა­ნა­წე­რე­ბი, სა­დაც კერ­ძო სამ­ხედ­რო კომ­პა­ნია “ვაგ­ნე­რის” დამ­ფუძ­ნე­ბე­ლი, ევ­გე­ნი პრი­გო­ჟი­ნი ამ­ბობს, რომ რუ­სე­თის თავ­დაც­ვის სა­მი­ნის­ტროს ძა­ლებ­მა “ვაგ­ნე­რი” და­ბომ­ბეს, შე­დე­გად ჯა­რის­კა­ცე­ბი და­ი­ღუპ­ნენ. პრი­გო­ჟი­ნი რუ­სე­თის თავ­დაც­ვის მი­ნისრს, სერ­გეი შო­ი­გუ­სა და თავ­დაც­ვის ძა­ლებს შუ­რის­ძი­ე­ბით და­ე­მუქ­რა.

Cesko